Tiltalt for drap og draps­forsøk i Steinkjer

Natt til 9. april køyrde ein mann med varebil opp på eit fortau og inn i ei folkemengde i Steinkjer.

Sigve Bremset blei berre 21 år og døde av skadane han blei påført i påkøyrselen.

No er mannen i 30-åra tiltalt for drapet på 21-åringen.

Det er Statsadvokaten som har tatt ut tiltale etter ordre frå Riksadvokaten, skriv Adresseavisen.

Også tiltalt for to drapsforsøk

Då mannen i 30-åra køyrde inn i folkemengda trefte han også ein mann og ei kvinne med varebilen.

Dette er han no tiltalt for to drapsforsøk for.

I tiltalen varslar statsadvokaten at det kan bli lagt ned påstand om forvaringsstraff.

Mannen erkjenner straffskuld, opplyste forsvararen til mannen, Anne Marstrander-Berg tidlegare til NRK.

– Han har forklart seg til dei spørsmåla politiet har stilt ham. Han har erklært straffskuld for det han er siktet for, men samtykker ikkje til fengsling, seier ho til NRK kort tid etter hendinga.

Det er planlagt at rettssaka mot den tiltalte 30-åringen skal gjennomførast i slutten av oktober.

Hadde drukke vodka

Då mannen blei framstilt for varetektsfengsling i april forklarte 30-åringen at han hadde drukke vodka.

Dette begynte han med i 19:00-20.00-tida.

– Så har han drukke i byen og så veit han ikkje kva som skjedde då han drog derifrå, men han køyrer jo då den bilen han kom med, sa Marstrander-Berg.

– Eg hugsar så vidt at eg sette meg i bilen og køyrde til Steinkjer, forklarte den sikta mannen sjølv i retten.

30-åringen sa også i retten at han angra. Då han blei spurt om kva han angra på svarte mannen:

– At eg er ansvarleg for ein person sin død. At eg er så dum at eg fyllekøyrer, svarte 30-åringen.