– Den smitta har lite symptom, men nok til at vedkommande tok ein koronatest på måndag, seier Gustav Øverli, velferdsdirektør i Sit.
Det er Studentsamskipnaden i Trondheim (Sit) som driv Moholt barnehage.
Adresseavisen omtalte saka først.
Alle barn og tilsette i karantene
Barnehagen har 49 tilsette og 126 barnehageplassar. Dei er alle pålagt karantene.
– Vi held oss til dei anbefalingane vi får frå smittevernkontoret i Trondheim kommune, seier Øverli.
Har starta smittesporing
Smittevernkontoret er i gang med smittesporing og kartlegging av kontaktane den tilsette har hatt.
– Vi har stengt barnehagen inntil vi får nærmare beskjed frå kommunen, opplyser Øverli.