– Me har hatt ein tørr vinter og vår, og no ein god og varm sommar. Dermed er vasstanden lågare i magasina enn normalt på denne årstida.
Det seier Tore Wuttudal, kommunikasjonsrådgjevar i Trønderenergi.
Lite vatn betyr mindre produksjon av straum og dermed lågare inntening for kraftselskapa.
- LES OGSÅ: NVE velger fisk før kraft
Folk sparar pengar i varmen
Kraftforbruket gjekk ned i landet for tredje veke på rad, så den varme sommaren gjer at folk sparar pengar på straum.
Dei same tala viser òg at vasstanden i magasina i Midt- og Nord-Norge er dei lågaste i landet.
Wuttudal har likevel tru på at regnet kjem til hausten, og at straumprisane vil halde seg låge.
– Veret er hovudfaktoren i straumprisar, men statistisk sett vil det kome nedbør etter slike tørre periodar.
(artikkelen held fram under biletet)
Etter sola kjem regnet
Energidirektøren i Nord-Trøndelag elektrisitetsverk, Kenneth Brandsås, trur òg at regnet kjem. Han synest ikkje me skal ta sorgene på forskot.
– No skal me gleder oss over sol og varme, og så er eg sikker på at nedbøren kjem til hausten.
Dersom det er tørt i byrjinga av året, blir det ofte store mengder nedbør til hausten, seier han.
– Eg trur me skal vere rolege, avslappa og avventande.
- LES OGSÅ: Slik skal de bruke 0 kroner på strøm