– Det mest skremmende er at solkrem for barn kjem verst ut.
Hilde er på Bystranda på Steinkjer med dottera si. Ho er nøye med å bruke solkrem, og sjekka anbefalingane til Forbrukarrådet før ho kjøpte solkrem.
Forbrukarrådet har nemleg testa 47 solkremar som er på marknaden i dag.
Berre 13 av dei 47 kremane var utan hormonforstyrrande og allergiframkallande stoff.
Fleire av dei 13 var solkremar spesielt retta mot barn.
– Ein stoler jo på at produkt du får kjøpt i butikkane er godkjente. Men slik er det visst ikkje, seier Hilde.
Cocktaileffekt
– Om ein brukar mange kremar med hormonforstyrrande og allergiframkallande stoff frå ein er barn, kan ein få ein såkalla cocktaileffekt, seier Erik Vigander i Kreftforeninga.
Ein cocktaileffekt vil seie at sjølv om eitt produkt åleine ikkje er helseskadeleg, kan langvarig og høg bruk av mange slike produkt til saman vere skadeleg.
Vis solvett!
– Det viktigaste er likevel at vi faktisk brukar solkrem når vi er i sola. Mange er redde for kreftframkallande stoff i kremar, men det kan òg vere farleg å ikkje bruke solkrem, seier Vigander.
Her er hans beste tips for å ikkje få solskader:
- Bruk éin handfull solkrem til éin kropp.
- Ta pausar frå sola når den er på sitt sterkaste.
- Dekk deg til.
– Vi pleier å seie at ein må vise solvett.
- LES OGSÅ: Så lenge holder solkremen.