Petter Tande og Ola Morten Græsli.
Ola Morten Græsli frå Tydal ligg på 14.plass etter at det kombinerte hopprennet i K-95 bakken i Val di Fiemme.
Græsli hoppa 88,5 meter i første omgang, og la på til 93 meter i det andre hoppet.
Med ein samla poengsum på 213 må Græsli gå ut 3 minutt og 24 sekund etter vinnaren tyske Ronny Ackermann.
Over fire minutt bak
Petter Tande frå Trondheim hoppa 86.5 meter i første omgang, mens han i sitt andre hopp strekte seg til 89.0 meter. Med to hopp under nitti meter fekk Tande samla 195.5 poeng og må starte heile 4 minutt og 18 sekund bak Ackermann.
Beste nordmann i hopprennet var Kristian Braaten.
Langrennet startar klokka 15.45 fredag ettermiddag.