Til Trønder-Avisa samanlikna Rotmo menneskegruppa med ei miljøforureining i Europa, og fekk sterke reaksjonar, mellom anna frå den lokale muslimske bloggaren Fatima Almanea, frå Verdal.
Presidenten i Røde Kors har personleg vore i Syria tre gonger i det siste. Han har også besøkt alle nabolanda til det råka landet, som står midt i ei borgarkrigskatastrofe som fører muslimar på flukt til tryggare strok av verda.
Sven Mollekleiv trur Rotmo ville kome på andre tankar om han blei med dit.
Bad folk late vere å flykte
Til Adresseavisen sa Rotmo laurdag at ikkje ein gong borgarkrigen gjer det rett for folk å forlate landet sitt, men at folk må løyse sine eigne problem der dei er.
Hans Rotmo meiner muslimar må halde seg der dei er og ikkje sleppast inn i Europa.
Foto: NRK / NRK– Flyktningar og innvandrarar lagar problem der dei kjem. Dei kjem til eit framand land og krev og få det på sitt vis der dei kjem, sa Rotmo, ifølgje avisa.
– Rotmo må få sjå røynda på kroppen
Hans Rotmo treng eit møte med det som skjer der nede, meiner Røde Kors-sjefen.
Eit møte med krigen, eit møte med folk i Syria, med familiar som har levd med redsla, vil truleg endre synet hans på verkelegheita, trur Mollekleiv.
– Hans Rotmo kjenner ikkje frykta, har ikkje levd i galskapen, seier Mollekleiv.
– Om det er trygt, må vi reise
Med atterhald om at det kan vere for farleg å reise inn i Syria, ber Mollekleiv Rotmo med seg på ei slik reise.
Her er Sven Mollekleiv under ei vitjing i Damaskus under ein av Syria-turane sine.
Foto: MØRTVEDT, Mari Aftret/Røde KorsHans Rotmo har ikkje svart på invitasjonen frå Mollekleiv via avisa. Han var ikkje tilgjengeleg for avisa da dei prøvde å ringe han søndag kveld.
