I skattelistene for 2007 låg forretningsmannen og gründer bak butikkkjeda Rema 1000 på ein femteplass over dei rikaste i Trøndelag, men i skattelistene for 2008 er han tilbake på topp.
Reitan hadde i fjor ei inntekt på 969 148 kroner og står oppført med ei formue på 587 668 601 kroner.
Den nest rikaste er Gustav Witzøe med ei formue på 459 345 695 kroner. Witzøe er gründer av lakseselskapet SalMar.
Lyng rikast i nord
Ingen av nordtrøndarane når opp på lista over dei ti rikaste i Trøndelag. Den rikaste i Nord-Trøndelag er investor Ragnar Lyng.
Han hadde i skatteåret 2008 ei formue på 131 220 068 kroner.
Den nest rikaste i Nord-Trøndelag er Jan Vennatrø, eigaren av Tyholttårnet i Trondheim.
Pharmaq på inntektstoppen
Arne Martin Fiskum og Per Helge Milde ligg på inntektstoppen i Nord-Trøndelag med inntekter på 15 343 006 kroner og 14 912 078 kroner.
Fiskum er produksjonssjef i verkssemda Pharmaq på Skogmo i Overhalla, mens Milde er avdelingssleiar i same verksemda.
Årsaka til at Fiskum og Milde ligg på inntektstoppen i Nord-Trøndelag er aksjesalet i verksemda i fjor haust.
Professor på topp
På inntektstoppen i Sør-Trøndelag er tronar professor i datateknikk og telematikk ved NTNU i Trondheim Arne Halaas.
Han var sentral i utviklinga av teknologien som leia til Fast Search & Transfer ASA.