NRK Meny
Normal

Klart for storkamp

Brannbataljonen lovar Rosenborg tøff kamp både på bana og tribunen.

Rosenborg - Brann
Foto: Kallestad, Gorm / SCANPIX

Søndag er det duka for den klassiske storkampen mellom Rosenborg og Brann.

- Vi har hatt den vanlege oppladinga som vi bruker å ha før vi skal til Trøndelag. Det blir ein lang busstur. Brann har spelt ganske jamt med Rosenborg dei siste åra, så vi håper det skjer igjen, seier leiaren i Brannbataljonen, Frode Hellebø, til NRK.

Det er venta opp mot 20 000 tilskodarar til Lerkendal på søndag. Og dei har eitt mål for auge, nemleg å gjere livet surt for bergensarane.

Leiar i Kjernen seier det ikkje er nødvendig å gjere noko spesielt i forkant av kampen, for dette ordnar spelarane sjølv.

- Vi kjem til å legge oss ekstra i selen for å skape stemning. Brann har ikkje vist så mykje i år, så vi kjem til å gå ut for fullt frå start, seier leiar i Kjernen, Arnt Furunes.