Det er duka for ein ny «supermandag» med heile 46 folkeavstemningar om kommunesammenslåingar på landsbasis. I Trøndelag skal innbyggarane i Ørland, Bjugn og Roan gi si stemme.
Vi oppdaterer fortløpende:
Lang prosess
I Ørland og Bjugn skal innbyggarane røyste over om dei skal slå seg saman med kvarandre eller halde fram som eigne kommunar.
Dei to Fosen-kommunane har dei siste åra gjort fleire forsøk på å slå seg saman. I 2014 blei det gjennomført ei rådgivande folkeavstemning. Den gongen sa eit klart fleirtal i Bjugn nei til å slå seg saman med Ørland og prosessen stoppa opp.
Så blei det stille til mars 2016. Då overraska dei to rådmennene i Ørland og Bjugn alle, og kom med ei oppfordring om å slå saman dei to kommunane. I rådmennene si skisse heiter det mellom anna at ordførar, rådmann og administrasjon skal sitte i Bjugn, men at kommunen skal heite Ørland.
Roan + Åfjord ?
I Roan og Åfjord har lysta til eit samarbeid vore god på begge sider av kommunegrensa og innbyggarane i Roan skal mandag stemme over om dei vil slå seg saman med nabokommunen Åfjord, eller stå åleine.
- Les også:
I Åfjord er det brei politisk semje om å slå seg saman med Roan og det blir difor ikkje halde ei eiga folkeavstemning der.
Rindal til Trøndelag
I dag er det også siste dag for folkerøystinga i Rindal i Møre og Romsdal. I tillegg til «null-alternativet» som det heiter viss ingen ting blir endra, har kommunen to alternativ til samanslåing.
- Surnadal og Halsa
- Agdenes, Meldal, Orkdal, Skaun og Snillfjord
Ifølge Kommunal Rapport er status så langt i kommunereformen at 18 kommunar har vedtatt samanslåing, 256 er einige om ein intensjonsavtale, 28 drøfter eller har vedtatt å drøfte, 49 er i gang med utgreiingar eller sonderer og 77 har avsluttet prosessen og vedtatt å halde fram som eigen kommune.