– Trua på norske bønder er framleis rørande høg, synest eg.
Det seier Oddveig Storstad. Ho forskar på tilliten folk har til norsk landbruk ved Bygdeforsking i Trondheim.
– Dei fleste har tillit til norsk landbruk og slik har det vore i mange år, men det er i endring no.
Mange har eit bilete av at norske bønder driv eit småskala, romantisk Noreg Rundt-landbruk, fortel Storstad.
BONDEEKSPERT: Oddveig Storstad veit meir enn dei fleste om korleis me nordmenn ser på bønder og landbruk.
Foto: Jon Arne Hoff Johansen / NRK– I verkelegheita blir matproduksjonen i Noreg meir og meir storskala og industrialisert. Det ser me spesielt på fjørfe, men òg svin. No skjer det òg gradvis med mjølka.
- LES OGSÅ: Her er jordbæra 100 prosent naturlig
Kort veg til matfatet
Kortreist mat er den store trenden no. Storstad trur den kjem til å halde ei stund til.
– Lokal og kortreist mat har kome fort samanlikna med den lange historia til økologisk mat. Eg har forska mykje på økologisk mat, men den slo aldri heilt gjennom i Noreg.
Over 5 % av norske bønder driv med ei eller anna slags form for småskala matproduksjon.
– Det er mykje, seier Storstad.
Ein finn bønder overalt i Trøndelag, og folk flest har høg tillit til dei her i fylka våre.
– Jo nærare du er landbruket både geografisk og mentalt, jo høgare tillit har du til det.
- LES OGSÅ: Gjør seg lekker på kortreist mat
- LES OGSÅ: Lønnsomt med økologisk melk
