Desse kilometerane køyrde bussane i såkalla posisjonskøyring, skriv Adresseavisen.
Høgre kjem til å ta opp organiseringa av kollektivtrafikken i Sør- Trøndelag i fylkesutvalsmøtet 24. februar.
Budsjettkutt
– Det kom ikkje uventa, sterke reaksjonar på kutta i kollektivtrafikken. Ute i distrikta er tilbodet nesten borte, og både i by og bygd er det mange som no heller vel bil enn buss, seier Torhild Aarbergsbotten, fylkestingsrepresentant for Høgre, til Adresseavisen.
- Les også:
Det er tidlegare kjent at AtB må kutte 80 millionar kroner for å få budsjettet til å gå opp.
Aarbergsbotten kjem i fylkesutvalsmøtet til å be fylkesordførar Tore O. Sandvik om å kalle inn til eit eigarmøte med AtB for å få til eit betre kollektivtrafikktilbod, skriv Adresseavisen. Ho meiner AtB må gå saman med operatørane for å finne betre løysingar enn dei har i dag.
Aarbergsbotten meiner fylkeskommunen ikkje kan leve med dagens situasjon fram til 2022 og ho trur ein er inne i ein negativ passasjerutvikling for trondheimsregionen med risiko for ikkje å klare kriteria for å få statlege midlar.
Dyre passasjerar
Adresseavisen brukar Røros som døme og viser til at kvar enkelt passasjer på enkelte av rutene har kosta heile 8300 kroner. Bussane i AtB-systemet har også køyrt 4,9 millionar kilometer utan passasjerar i Trondheim og regionane rundt.
– Eksempelet frå Røros er altfor dyrt, og pengane kan brukast betre enn dette. Me er samde i at alle steinar må snuast. Målet må vere å få til ein betre pris med operatørselskapa, utan at det kjem i strid med konkurransereglane, seier fylkesordførar Tore O. Sandvik til Adresseavisen.
Har auka budsjettet
Sandvik viser vidare til at fylkeskommunen budsjetterer med meir til kollektivtrafikken i 2015 enn i fjor og åra før.
– Slik oppfyller me kriteria i eksisterande belønningsavtale. Dessutan veks framleis kollektivtrafikken frå nabokommunane, sjølv om den veks lite i Trondheim. Der er me avhengig av statlege midlar for å auke kapasiteten og betre rutetilbodet, held han fram til avisa og peikar på at eit samla Storting, i Nasjonal transportplan, har sagt at ytterlegare vekst i kollektivtrafikken i og rundt byane må kome via statlege midlar.
Les også: