Torsdag ettermiddag spelte laget mot Azerrail Baku i Aserbajdsjan, returkamp etter at Stod vann 3-1 på heimebane. Det vart ein svært spennande kamp, og åttendedelsfinalen endte med at Stod vann samanlagt etter golden set som endte 18-16 til Stod.
– Det finst ikkje noko skandinavisk lag som har greidd å kome så langt i europacupen, så dette er stort, seier Per-Ivar Finstad, som er leiar i klubben.
– No skal vi feire med ein bytur i Baku. Men seint blir det ikkje, vi har nemleg ein viktig kamp mot Oslo på sundag, seier en lukkeleg Stodspelar Eline Bye.
Har blitt publikumsyndlingar
Stod Volley var spente før kampen, men da golden set var ferdig, gjekk dei seirande ut.
Foto: PrivatStod har lenge jobba for å få til eit volleyballag av internasjonal klasse, og er i ferd med å klare det. Dei er òg i ferd med å vinne hjarta til publikum.
– Da Azerrail Baku var hos oss, var det nærare 1000 betalande i Steinkjerhallen, det er heilt fantastisk. Det gir oss også overskot økonomisk på europacupkampane, seier Per-Ivar Finstad.
Stod skal møte eit ukrainsk lag i kvartfinalen, og første kamp skal gå i starten av mars.
Har ikkje godkjent hall
Men avansementet i europacupen fører til uventa utfordringar for Stod Volley.
– Vi veit at heimebanen vår i Stod ikkje er godkjent for internasjonale kampar, derfor har vi brukt Steinkjerhallen. Men for finalekampane i europacupen er ikkje eingong den bra nok, seier Finstad.
Det er mellom anna krav til anna type dekke på banen.
– Vi har litt arbeid framfor oss for å få Steinkjerhallen godkjent, men vi skal få det til. Dette er nybrottsarbeid i Norden, det er ingen som har gjort det før oss, seier Per-Ivar Finstad.
Januar 2014: Hylling av NM-vinnerne Stod Volley
