NRK Meny

Her jobbar alle gratis

Svartlamon Samvirkelag i Trondheim blir driven på dugnad og ingen som jobbar der tener pengar.

Svartlamon Samvirkelag

Sjølv om butikken er liten, er det eit rikt utval av økologiske varer.

Foto: Jon Arne Hoff Johansen / NRK

Artikkelen er flere år gammel.

– Alle medlemmane i Svartlamon Samvirkelag får vere med å bestemme korleis drifta skal gå og korleis ting skal gjerast, seier Torbjørn Kallstad som jobber i kassa på butikken til NRK.

Drive på dugnad

Svartlamon Samvirkelag er ein nærbutikk på Svartlamon i Trondheim.

Drifta er eit arbeidskollektiv der dei administrative oppgåvne er delt på medlemmane og den daglege drifta blir koordinert på opne allmøter. Ingen er sjef for butikken.

– Vi har ein heilt flat organisasjonsstruktur der alle har like mykje å seie, fortel Kallstad.

Landets minste?

Tove Suna Ulriksen

Tove Suna Ulriksen er ein av dei som jobbar gratis i butikken.

Foto: Jon Arne Hoff Johansen / NRK

Svartlamon samvirkelag er 15 kvadratmeter. Men trass liten plass, har den eit stort vareutval med alt frå mat og drikke til vaskemiddel og frukt.

– Kundane våre får lov å komme med forslag til kva varer vi skal ta inn. I starten var det veldig lite varer, men no har vi tatt inn alt kundane har bedt om, seier Tove Suna Ulriksen som også jobbar i butikken til NRK.

Ho var ein av mange som var lei av å måtte gå frå butikk til butikk for å finne dei økologiske varene ho trong.

– Vi ville ha økologiske varer til ein normal pris. Vi var også lei av å ikkje kunne kjøpe det vi ville på grunn av økonomi, legg Ulriksen til.

Bevisste kundar

Folk på Svartlamon i Trondheim er opptatt av økologisk mat, så det var ikkje noko problem å rekruttere kundar til den nye butikken.

– Det er eit veldig bra tiltak og det er ekstermt mange og bra produkt her, seier Betty Nilsen som er ein av mange som handlar fast på den nye butikken.

– Det var veldig lett å starte opp ein slik butikk her, men vi håper sjølvsagt at andre bydelar kjem etter, legg Tove Suna Ulriksen til.

Video fra Trøndelag

I kveld sparkes den i gang; Steinkjer pønkrockfestival.
Meråker er først ut med smarte gatelys. Kommunen bruker nesten to millioner på miljøvennlig belysning.
Kurth Fallmyr berga barndomsheimen såvidt, men et område på to og en halv kvadratkilometer er svidd av, og skadene er tydelige i terrenget.