NRK Meny
Normal

Grasrotprisen til Kolstad Fotball

Kolstad Fotball i Trondheim fekk Grasrotprisen under prisutdelinga Gullballen fredag kveld.

Video nsps_upload_2009_11_6_22_0_11_5716.jpg

Juryen peika på at klubben har utmerka seg på ei rekke område, mellom anna innen haldningsskapande og integrerande arbeid.

– Hjarteleg takk. Det er ei stor ære å få denne prisen og ein utruleg ispirasjon til vidare arbeid i klubben. Vi må takke alle støttespelarar både innan det private og offentlege, sa styreleiar Bjørn Aage Johansen som tok i mot prisen på vegne av klubben i operahuset i Oslo.

Kolstadjakka

Kolstad Fotball har gjennom tretti år hatt ein sentral posisjon i bydelen Saupstad i Trondheim. Bydelen rommar førti nasjonalitetar og klubben har drive oppsøkande arbeid både i barnehagar og på SFO.

– 17 timar i veka møter vi ungane på skulen. Vi treff dei etter skulen og har organisert trening på kveldstid, samt kampar i helga, seier Frank Lidahl som er lokalsamfunnsutviklar på Kolstad.

Han legg til at den finaste jakka ungane syns dei har, er nettopp Kolstadjakka.

– Ungane snakkar saman fordi dei har noko til felles, seier Lidahl.

(Artikkelen held fram under bildet)

Styreleder Bjørn Aage Johansen (t.h.) mottok på vegne av Kolstad Fotball Grasrotprisen

Styreleder Bjørn Aage Johansen (t.h.) mottok på vegne av Kolstad Fotball Grasrotprisen.

Foto: Heiko Junge / Scanpix

Opp i 2. divisjon

Kolstad Fotball rykte etter denne sesongen opp i 2. divisjon. Dei vann kvalifiseringa mot Charlottenlund og er tilbake på nivå tre etter to sesongars fråver.

Dette er: Kolstad Fotball

Prisutdelar Ole Gunnar Solskjær kjenner godt til klubben.

– Eg tapte mot denne klubben som smågutt og har tapt mange kampar mot dei, sa Ole Gunnar Solskjær då han delte ut prisen.

I takketalen framheva Kolstad alle innbyggarane.

– Vi har verdas beste bydel og verdas beste fotballlag, sa styreleiar Bjørn Aage Johansen i Kolstad Fotball.

Video fra Trøndelag

Håper å få åpnet elva i løpet av kvelden.
Slik gikk det med Mette Vollan i uværet.
Skiheisen i Vintervannskleiva åpen igjen.