Fleire misbrukar ID-papir i Noreg

I Noreg er bruken av falske pass og ID-papir eit aukande problem. Politiet i Sør-Trøndelag har vore på skulebenken i to dagar for å lære seg og avsløre falske pass og ID-dokument.

Pass og billetter

Fleire og fleire misbrukar pass og ID-dokument i Noreg.

Foto: Tor Risberg / NRK
Ingar Sørvik

Ingar Sørvik jobbar med vakt og beredskap ved Sør- Trøndelag politidistrikt. Han prøver å bli betre på å avsløre falske pass og ID-dokument.

Foto: Ole Marius Trøen

– Eg mistenkjer at denne setelen er ekte, seier Ingar Sørvik, som jobbar med vakt-og beredskap i Sør-Trøndelag politidistrikt.

Sørvik ser godt på den norske setelen og finn fleire kjenneteikn på at den er ekte.

– Setelen har blant anna mikroskrift. Det er ein klar indikasjon på at setelen er ekte.

Han er ein av 25 politimenn-og kvinner som denne veka har satt seg på skulebenken på Sentrum politistasjon i Trondheim for å lære korleis dei skal avsløre falske pass og andre ID-papir.

Aukande problem

Han meiner det ikkje er så vanskeleg å finne ut om ein setel er ekte eller ikkje.

– Det er ikkje nødvendigvis så vanskeleg berre ein har tid til å sette seg ned og sjå etter dei kjenneteikna som skal vere på setelen.

Den siste rapporten frå Nasjonalt ID-senter viser at det vart avslørt 764 ulike typar misbruk av ID-dokument og pass i 2013. Til saman 659 personar stod for misbruket.

Det er heller ingen grunn til å tru at det kjem til å bli mindre misbruk i åra som kjem, seier Hanne Tannvik Svendsen, seniorrådgivar i Nasjonalt ID-senter.

– Tala frå 2013 viser dei me har klart å avsløre, men heile utlendingsforvaltningen trur det er store mørketal her, seier ho.

Men utanlandske setlar og pass kan vere meir utfordrande.

– Me veit jo ikkje heilt korleis eit ekte utanlandsk pass skal sjå ut. Så der kan me møte ei utfordring,men forhåpentlegvis kjem færre til å klare å lure oss, seier Sørvik.

Kvaliteten er varierande

Solvor Aarsland

Det kan vere vanskeleg å sjå forskjell på ekte og uekte utanlandske pass, seier kurshaldar Solvor Aarsland.

Foto: Ole Marius Trøen

– Kvaliteten på dei falske passa og dokumenta varierer veldig, seier dokumentgranskar og kurshaldar, Solvor Aarsland.

Aarsland jobbar ved Nasjonalt ID-senter og reiser rundt for å halde kurs. Ho deler ut både falske og ekte pass til deltakarane. Ho fortel at målet er å auke kompetansen til politiet.

Men det kan vere vanskeleg utan dei rette forkunnskapane.

– For ein person som ikkje er van med å lese dokument og berre får eit førarkort i handa kan det vere vanskeleg å sjå om det er ekte. Men dersom ein veit kva som er dei vanlegaste kjenneteikna på falske dokument er det til stor hjelp, seier ho.

Video fra Trøndelag

Black Friday var god gjødsel for kjøpelysten. Hyllene på post i butikk er fylt til randen. Dessuten kommer julegavene snart for fullt. Folk må hente - nå, er ropet fra butikkene.
Marihøna barnehage har trolig arrangert jul på låven for siste gang. Kampflystøy og konflikt om erstatning preger Ørland i adventstida.
Julestemning for store og små.