Åge Aleksandersen gav sambygdingen nokre gode råd på vegen før den første direktesendte sendinga på TV2.
– Det kjentes utruleg deilig å få nokre gode råd frå Åge i dag. Det er første gong eg har eit så stort publikum og då er det godt å rådføre seg med ein som har langt større erfaring enn meg, sa Chand til
.Dette er:
Sjølvskriven låt
27-åringen, som kjem frå same by som Åge Aleksandersen og Bjarne Brøndbo, valte å framføre den sjølvskrivne låta "Diamanten".
Kritikkane frå dei tre dommarane var svært gode. Trønderrockens far var også imponert over framføringa til Chand.
– Strålande, seier Åge Aleksandersen til avisa.
Besøkte Snåsamannen
Chand Torsvik er født i India i 1982, men har budd på Spillum utanfor Namsos heile livet sitt.
Gjennom fleire år besøkte han Snåsamannen for å få råd og hjelp. Det resulterte i at han gav ut ein låt som heitte "Varme hender" for fem år sidan.
På ei plate som kom for to år sidan kom låta "Usynlige krefter", og i år skreiv han ein heilt ny melodi som han gav bort i gåve til Signe og Joralf Gjerstad.