Sidan 2013 har heimetenesta klart å redusere sjukefråværet med 30 prosent. I 2014 var tilsette i Nord-Trøndelag oftare borte frå arbeidet enn andre stadar i landet.
– Det er ikkje noko i Nord-Trøndelag som skulle tilseie at me skulle ligge høgare enn resten av landet, seier avdelingsdirektør i NAV, Trond Thorshaug.
Avdelingsdirektør i NAV, Trond Thorshaug, delte i dag ut pris heimetenesta nord i Steinkjer.
Foto: Eivind Aabakken / NRKHan seier at dei tilsette i Nord-Trøndelag ikkje er sjukare enn andre, men at dei blir borte frå arbeidet lenger enn andre.
Torsdag delte dei ut pris til verksemder som har fått ned sjukefråværet.
– Me ønskjer å motivere verksemder som ikkje har fått ned sjukefråværet til å få det til.
IA-pris til Steinkjer
Heimesjukepleiarane ved seksjon Egge i Steinkjer kommune fekk torsdag årets IA-pris på Stiklestadkonferansen. I pleie- og omsorgssektoren i Trøndelag er kvar arbeidstakar borte nesten 1 av 10 arbeidsdagar i snitt. Einingsleiar i heimetenesta avdeling nord i Steinkjer, Torill Strugstad, er særs nøgd.
Einingsleiar ved heimetenesta nord i Steinkjer, Torill Strugstad, var særs nøgd med prisen.
Foto: Eivind Aabakken / NRK– Eg er kjempeglad og så stolt av det me alle har klart. Det er ein inspirasjon for andre, seier ho.
I eitt år har dei jobba for å få ned sjukefråværet. Resultatet kjem etter eit tett samarbeid mellom leiing og tilsette.
– Det betyr veldig mykje, seier tillitsvalt ved heimetenesta nord i Steinkjer, Kristin Torp.
Ho trur det betyr mykje at både tilsette og leiing er med i prosessen.
– Me involverer alle og samarbeider godt. Dei tilsette får vere med å påverke korleis me skal ha det på jobb, held ho fram.
Samfunnskostnader
Kostnadane er høge for samfunnet.
– Ein sjukepleiar som er borte eitt år kostar ein kommune rundt 150.000 kroner, fortel avdelingsdirektør i NAV, Trond Thorshaug.
Han meiner det då er betre å bruke 20.000 kroner på å få vedkomande til å stå i jobb.
– Då har du tent 130.000 kroner på det.
