Brann i Namsos sentrum

Brannmannskapa har no kontroll på ein brann i Havnegata i Namsos sentrum.

Brann i Namsos sentrum

Fleire personar blei evakuerte i brannen i Namsos sentrum tysdag ettermiddag.

Foto: Espen Sandmo / NRK

Fleire personar vart evakuerte frå eit bygg som brente i Namsos sentrum tysdag ettermiddag. Personen som meldte ifrå om brannen klokka 17.20 skal ha sett flammar og røyk ut av eit takvindauge i bygget.

Brannmannskapa har kontroll på brannen, meldte Namdal 110-sentral ein time seinare.

Politi, ambulanse og brannmannskap var raskt på staden. Heile kvartalet rundt bygget vart stengt av.

Naudetatane har kontroll på alle som bur i huset. Dei fekk først ikkje kontakt med ein av personane som bur i bygget.

NRK sin reporter på staden, Espen Sandmo fortel at det var stor røykutvikling då han kom til staden.

– Brannmannskapa nytta ein stigebil for å kome seg opp til ein av bustadene. Dei skal ha skjært seg inn i bygningen med ei motorsag, før dei tok i bruk eit kamera for å undersøke innsida av bygget, fortel Sandmo.

Sandmo fortel at dei som var i bygget fekk tilsyn av helsepersonell i ein ambulanse.

Brann i Havnegata i Namsos sentrum. Røyk kommer fra et av hustakene.

Brannmannskapa fekk kontroll over brannen etter kvart.

Foto: Espen Sandmo / NRK