Dei tilsette på Røros Bruk og Røros Trevarefabrikk er opprørte:
- Vi stiller oss veldig undrande til dei som styrer næringspolitikken i Røros kommune.
Ståle Rønning er hovudtillitsvald på Røros Bruk som er eit av selskapa som Porsgrunn- firmaet Isola Holding ønskjer å bruke 120 millionar på kjøpe og utvide på Røros.
- Pressar prisane
Men no kan det vere den planlagde storfabrikken ikkje blir i kommunen likevel. På bakgrunn av tal som Rønning har fått frå leiinga, meiner han at Gjøsvika invest som forvaltar eigedomen Isola vil kjøpe, pressar opp prisane:
- Det er meininga at dei skal mjølke selskap som skal fortsette eller starte ny verksemd i kommunen, seier Rønning.
- Prisar etter markaden
Gjøsvika invest er eit selskap som forvaltar mange store næringseigedomar i Røros-området. I styret sit blant andre ordføraren og næringssjefen i Røros. Styreleiar og ordførar John Helge Anderssen, avviser at selskapet prøver å mjølke Isola:
- Om det skulle bli lagt til Trondheim så hadde det blitt mykje dyrare. Prisane her har med marknadsforhold å liknande å gjere, sånn er no berre verden.
Prisen avgjer
For no har nabokommunen Os tilbudd ei tomt som skal vere langt billigare. Administrerande direktør i Isola Holding, Erik Withbro fortel kva som avgjer om dei går for Røros eller Os:
- Det er kostnadar, ikkje berre på å kjøpe ut naboar, men totalkostnadane for heile prosjektet.
