– Det einaste som betydde noko i dag var tre poeng, seier Robert Stene. Han scora det eine målet til Ranheim. Det andre var det Mads Reginiussen som banka i mål.
Han er nøgd med innsatsen til heile laget.
– Me kriga bra. Det var uavgjort lenge, men me fekk kriga inn eit mål. Då me fekk inn 2-0 var kampen eigentleg avgjort.
Dårleg betalt
– Det har vore mykje stang ut. Det har vore mange gode prestasjonar, men me har fått dårleg betalt, seier trenar Trond Nordsteien.
Han seier sigeren var viktig.
– Det var viktig for oss å endeleg ha marginane med oss. Sigeren er viktig for heile gruppa, held han fram.
Og dette er berre byrjinga.
– Dette er starten på ein operasjon som skal gi oss fleire sigrar. Det kjem til å ta tid, men me skal bruke dei neste månadane godt.