– Vi har det fra alle hald at det er helt trygt å ete svinekjøt og at det er ingen fare for smitte gjennom kjøtet, seier leiar i Nord-Trøndelag bondelag, Jon Trøite, til NRK Trøndelag.
Trist for næringa
Laurdagens melding om at ein buskap med gris på ein gard i Åsen i Levanger var smitta av svineinfluensa var tøff for dei som driv med svin.
Bondelaget vil mandag føremiddag følgje opp både bonden som har fått svineinfluensa i fjøset og dei som driv gardsbruk i nærleiken.
– Vi held kontakt med både produsentane og Mattilsynet og ber alle følgje dei retningslinjene som er komme frå Mattilsynet, seier Trøite.
Ønskjer høgare prioritet
Fleire bønder er redde for å få svineinfluensa i fjøsa sine etter helgas utbrot.
Bondelaget ber helsestyresmaktene om på nytt vurdere om svinebøndene skal komme lenger fram i vaksinasjonskøen.
Det er gravide, folk med risiko for alvorleg sjukdom og helsepersonell som står øvst på prioriteringslista til Folkehelseinstituttet, og det aksepterer bøndene.
– Men etter det, må det vere vår tur, seier leiar i Norges Bondelag, Nils T. Bjørke.
Ikkje først i køen
Folkehelseinstituttet vil ikkje prioritere grisebønder i den første vaksineringsrunden mot svineinfluensa trass i at svineinfluensa er påvist hos gris i Noreg.
Først klokka 1700 mandag ettermiddag blir det klart om fleire grisar er smitta av influensaen.
