- Ope for dei som treng ei hand

Organisasjonen har sett opp ein treffstad for alle som treng å møte nokon i Trondheim. Trondheim Katedralskule har stilt aulaen sin til disposisjon, og der opna Røde Kors dørene laurdag.

- Dette er ein stor katastrofe, og mange er påverka, seier Hoel Fossen.

• LES OGSÅ: - Glade for å vere heime

Supplement til pårørandesenteret

Møteplassen er eit supplement til pårørandesenteret som Trondheim kommune har oppretta. Medan dei som er ramma av hendingane på Utøya kom til hotellet laurdag kveld, har Røde Kors sett ein jamn pågang av folk.

- Dei fleste treng rett og slett eit medmenneske. Nokon å snakke med, og nokon å vere saman med, seier Hoel Fossen.

• LES OGSÅ: Minnestund i Trondheim sentrum | Kø for å tenne lys

- Tragisk

Sjølv var ho telefonvakt for distriktskontoret til organisasjonen laurdag, og seier det er tydeleg at mange treng nokon å prate med.

- Dette er tragisk, og folk er fortvila, fortel ho.

Møteplassen blir også open på dag- og kveldstid utover neste veke for alle dei som treng nokon å prate med.