Tromsø kommune testar eit heilt kor med mistanke om koronasmitte

Etter at ein korist har fått påvist covid-19 sit resten av koret i karantene, medan dei ventar på testresultata.– Fleire har utvikla symptom som passar med korona.

Ishavskatedralen, Tromsø

Tysdag kveld er eit kor med over 30 personar sett i karantene i Tromsø kommune.

Foto: Bernt Olsen / NRK

Denne artikkelen er over en måned gammel, og kan inneholde utdaterte råd fra myndighetene angående koronasmitten.

Hold deg oppdatert i NRKs oversikt, eller gjennom FHIs nettsider.

– Det er eit kor med over 30 personar. Fleire har utvikla symptom, og derfor ønsker vi å få testa mest mogleg.

Det seier Øyvind Benjaminsen som er fagleiar for Koronasenter i Tromsø kommune.

– Ein av dei smitta var på ei korøving noko tilbake i tid. Vi finn denne klyngesamansettinga interessant for mogleg smittestad. Det er interessant for oss når det er fleire i koret som har symptom, når vi allereie har eit positivt tilfelle.

Svara på testinga vil avgjere vegen vidare, fortel Benjaminsen. Det vil vere klart i løpet av tysdag kveld og onsdag morgon.

– Det er for tidleg å uttale seg om sporingsarbeidet, det er rein rutine foreløpig i samband med sporingsarbeidet.

Øyvind Benjaminsen

Øyvind Benjaminsen er fagleiar for Koronasenter i Tromsø kommune.

Foto: Petter Strøm / NRK

Fleire har samfunnskritiske jobbar

– Vedkommande var på korøving for to veker sidan, fortel dirigenten av koret.

Koret fekk beskjed om smitta måndag kveld. Dirigenten er spent på resultata, men meiner det er usannsynleg at fleire i koret er smitta.

– Testinga er for å vere på den sikre sida. Det er godt å vere trygg, særleg når ein ikkje veit smittekjelda.

Fleire i koret har samfunnskritiske jobbar og fleire jobbar som politi, bussjåførar og på Universitetssykehuset Nord-Norge.

Dei fyste prøveresultata kjem ikkje før onsdag, informerer Tromsø kommune i ei pressemelding tysdag kveld.

Status Norge

Sist oppdatert: 28.11.2020
2 841
Siste uke
118
Innlagt
328
Døde