Ein person død i bustadbrann i Tromsø

Naudetatane fekk melding om brannen klokka 23.55, opplyser politiet.

Vedkommande som er funnen omkommen er enno ikkje formelt identifisert, men personen som er registrert busett i leiligheta er ein mann i 20-åra.

Dei pårørande er varsla, opplyser politiet.

Det skal vere fleire bustadeiningar i huset, men det er ikkje fleire som er meldt sakna.

Usikkert kva som er brannårsak

Det er ikkje klart kva som er brannårsaka, men brannen skal ha starta i loftsetasjen, opplyser politiet.

Politiet seier dei har snakka med fleire vitne. Dei første tekniske undersøkingane blei starta i natt, og det arbeidet held fram tysdag.

– Vi må vente til bygget er lufta ut og at branntomta er nedkjølt, seier operasjonsleiar Eirik Kileng.

Fleire av dei ti bebuarane som er evakuerte, er innkvarterte på hotell. Andre har funne husrom privat.

Brannfolka måtte ta hol i taket for å komme til og sløkke flammane i bustadhuset. Ved 01.30-tida var synlege flammar sløkte, og ettersløkking skal halde fram utover natta.