- Sjå video øvst i saka!
I eit vakkert aprilvêr ligg tørrdokka på den gamle Kaarbøtomta midt i byen. Her skal alt vere klart til å kunne ta inn dei største hurtigruteskipa til reparasjon.
Her er det investert så langt for 150 millionar kroner.
– No gler vi oss til å få kome i gang her, og å få køyrt dokka litt inn, seier Oddvar Jørgensen i Hamek AS.
Ein stor dag
Han meiner det er mange fordeler med å jobbe i den nye dokka:
– Ein kjem inn på ein betre måte og kan jobbe på ein heilt annan måte enn før, seier ein nøgd arbeidar.
Det er ein stor dag, synst også administrerande direktør i Hamek AS, Peter Slump.
– Vi har vore spente lenge, og vi har venta lenge på dette.
No framover er det fulle ordrebøker og stor pågang, seier Slump:
– No for tida går det bra, og mange spør når vi er ferdige med dokka.
Plass til ei hurtigrute
Og med sin imponerande storleik er nok tørrdokka nyttig for mange store skip.
Dokka er 145 meter lang, 27 meter brei, og kanskje viktigast av alt: Den er 9,5 meter djup. Dermed får ei hurtigrute plass her.
Og for dei som er engstelege: Eit reinseanlegg skal vere på plass for å fange opp farlege stoff og spillvatn frå dokka, så det ikkje hamnar i det nyrensa hamnebassenget.