Spesielt Tromsø kommune har store problem med å ta imot disse pasientane.
I dag ligg det 15 ferdigbehandla og ventar på UNN, meir enn halvparten høyrer til Tromsø kommune.
Dette uroar fylkeslegen.
Fylkeslege Svein Steinert
Foto: Elise Holdal / NRK– Vi ser spesielt urovekkande på dette, fordi UNN er i ein stor omstillingsprosess kor sengekapasiteten på UNN også er avgrensa, seier Steinert.
Han er uroa for at den manglande sengekapasiteten får konsekvensar for pasientar i heile Nord-Norge, ikkje berre i Troms.
– Totalt sett så kan det store talet på utskrivingsklare pasientar på UNN få negative konsekvensar for ikkje berre Troms fylke, men også pasientar i Nordland og Finnmark.
- Les også:
Kan gå utover tryggleiken
Fylkeslegen seier han no vil undersøke om det er behov for nye møter med dei involverte i saka.
– Det eg kjem til å gjere no, er å ta det opp igjen med embedsleiinga hos Fylkesmannen i Troms, svarer Steinert og legg til:
– Så vil vi vurdere om det er eit behov for eit nytt møte med Tromsø kommune og eventuelt UNN for å sjå på dette. Vi er av den oppfatning at det kan gå utover tryggleiken til pasientane.
- Les også:
Må betale bøter
Etter at samhandlingsreforma vart innført i 2012, har kommunane tatt over det finansielle ansvaret for utskrivningsklare pasientar på sjukehus frå første dag.
Det inneber at kommunane får pengar til å betale for pasientar som er ferdig behandla på sjukehuset, slik at dei kan kome heim til kommunen i staden for å ta opp plassar på sjukehuset.
Dersom kommunane ikkje kan ta imot utskrivingsklare pasientar, må dei betale bøter til sjukehusa.
Tal NRK har henta inn viser at kommunar i nord har betalt 50 millionar kroner i dagbøter for utskrivningsklare pasientar dei siste tre åra. Den største rekninga fekk Tromsø kommune på over 31 millionar kroner.
- Les også:
