Dette er eitt av forslaga som blei lagt fram av partiet sin programkomité i går.
Ikkje alle skolebarn får i seg maten dei trenger. Derfor vil Arbeidarpartiet at alle barn skal få eit enkelt brødmåltid på skolen kvar dag.
– Det visar seg at mange ungdomar kjem på skolen utan skolemat. Det er viktig for at dei skal halde ut skoledagen og få betre læring, seier Ole Geir Hoppestad som representerer Arbeidarpartiet i bystyret i Skien.
Foreldre skal vere med å spleise
Arbeidarpartiet vil at ordninga skal vere eit spleiselag mellom Staten, kommunane og foreldre. Det vil ikkje Foreldreutvalet for grunnopplæringa vere med på.
– Kva då med gratisprinsippet i skolen? Vi er veldig opptatt av at det skal vere gratis å gå på skolen i Noreg. Viss dette fører med seg at foreldra skal vere med å betale, så kan ikkje vi støtte det, seier Gunn Iren Müller.
– Eg trur ikkje det treng å bli så mykje dyrare enn å smørje ei matpakke. Og så kan det hende at elevane synest det er mykje betre enn å få ei sveitt matpakke med ost og saltpølse som har lagt i sola. Så eg trur dette kan bli eit betre ordning for dei aller fleste, seier Hoppestad.
Fleire elevar manglar niste
Ei undersøking gjort av Forskingsrådet viser at ni av ti elevar har med seg niste på skolen.
Men rektor ved Gimsøy skole i Skien trur ikkje det er realiteten når det gjelder ungdomsskoleelevane, og ønsker Arbeidarpartiet sitt forslag velkommen.
– Når det gjeld ungdomsskole, så ser vi at det er fleire og fleire elevar som manglar niste og heller ikkje har ein særleg næringsrik lunsj, seier Sten Rune Sannerholt.
Ved Gimsøy skole har dei alt eit tilbod om mat. Dei som har gløymt nista, eller ikkje har pengar til å kjøpe kantinemat, kan forsyne seg av enkel brødmat kvar dag. Og det heilt gratis.
– Viss eg ikkje har med pengar, så et eg gratis mat. Eg synest det er veldig bra for dei som ikkje med seg mat, og ikkje har pengar til å kjøpe i kantina, seier Amin Wadih, elev ved skolen.