Fagermo meiner det er feil å endre på eliteserien, fordi han meiner den fungerer bra slik den er i dag. Dermed er han ueinig med Norges Fotballforbund om korleis eliteserien og strukturen i norsk toppfotball skal sjå ut i framtida.
Frå og med sesongen 2017 så kan eliteserien bestå av 14 lag, der dei beste og dårlegaste lag møtes i kvart sitt sluttspel.
– Eg er heilt ueinig. Eg skjønar ikkje vitsen med å endre på eit produkt som er det mest populære i Europa.
Får støtte i Sandefjord
Fagermo meiner at fotballforbundet heller bør fokusere på å drive talentutvikling.
– Viss norsk fotball skal bli betre, så er det mest å hente i aldersbestemte klasser frå 6–16 år.
Fagermo fryktar at eit sluttspel etter fotballforbundet sitt opplegg vil skape ein A og B liga, og får støtte av Sandefjord trenaren Lars Bohinen.
– Sluttspelet for botnlaga blir veldig uinteressante for mange, og ikkje særleg publikumsvenleg, seier Bohinen.