NRK Meny
Normal

Tinn på topp i mottak av flyktningar

Tinn er på topp når det gjeld etablering av flyktningmottak i Telemark. Det betyr store utfordringar for kommunen, seier rådmannen.

Skinnarbu Høgfjellshotell

TRANSITTOTTAK: Skinnarbu høgfjellshotell blei omgjort til transittmottak nærmast over natta. 300 flyktningar bur her.

Foto: Grete Ingebjørg Berge / NRK

Det er nå 1776 flyktningar som sitter i permanente og akutte mottak i Telemark. Det viser tall frå UDI.

Tinn kommune er flinkast i Telemark til å ta imot flyktningar, viser dei siste tala frå Utlendingsdirektoratet som NRK har innhenta. I Tinn er det nå 500 personar i to mottak.

Der kom det plutseleg 300 flyktningane som trenger eit akutt helsetilbod.

Tinn har i fleire år hatt eit permanent asylmottak for 200 personar. Altså menneske som ventar på å få ein bustad ute i kommunane.

Fekk ikkje informasjon på førehand

Rune Lødøen

Rådmann i Tinn Rune Lødøen.

Foto: Tinn kommune

For kort tid sidan fekk kommunen ein ny beskjed. Det vil si dei fekk ingen beskjed i det heile tatt.

Skinnarbu høgfjellshotell blei omgjort til transittmottak nærmast over natta. 300 flyktningar kom. Og det kom som ei stor overrasking på rådmann Rune Lødøen.

– Vi fekk ikkje beskjed før etter at flyktningane var på plass. Det kom ingen informasjon til kommunen på førehand, seier Lødøen.

– Korleis reagerte de i kommunen på det?

– Vi blei jo overraska. Det gjer det vanskeleg for kommunen å vere førebudd og informere innbyggarane om det som skjer, seier Lødøen.

Seks nye transittmottak er blitt etablert i Telemark dei siste månadene. Det er mottak på Notodden, i Morgedal, på Bolkesjø, Vrådal, Skinnarbu og i Kragerø, Til saman er det komme 1028 flyktningar til telemark. Dette er akuttplassar.

Transittmottak i distrikta

På dei permanente mottaka er det nå 748 personar. Det er menneske som ventar på å bli busett ute i kommunane.

Bortsett frå på Notodden er alle transittmottaka etablert i distrikta. Dei permanente asylmottaka ligg på Rjukan, i Nome, Porsgrunn og Skien.

Tinn-rådmannen hadde gjerne sett at dei store bykommunane som Skien og Porsgrunn også hadde tatt imot fleire som treng opphald med ein gong.

– Vi reknar med at dei må ta sin del av ansvaret, seier Lødøen.

  • Fiska i elv med fiskeforbod

    Det er sett folk som fiska i Herregårdselva på Nystrand i Porsgrunn. Der er det totalforbod mot fisking. Miljørådgjevar i Porsgrunn har denne og andre små elver under oppsikt nå i gytetida for laks og sjøaure. Fiskarane vart kontrollerte av politiet.

  • Klissvåt helg i vente

    Det ligger an til en klissvåt helg på Østlandet, skriver Meteorologisk institutt på Twitter. Det vil komme to lavtrykk over Telemark, som vil gi mellom 70 og 150 millimeter regn de våteste stedene.

    Laster Twitter-innhold
  • Øl-tyv pågrepet i Notodden

    En øl-tyv i en butikk i Notodden sentrum er pågrepet og kjørt i arresten. Vedkommende hadde oppført seg skremmende mot andre personer, ifølge politiet.

  • Innovasjonspris til Fyresdal

    Innovasjonsprisen for universell utforming 2017 i kategorien landskapsarkitektur er tildelt Hamaren Aktivitetspark i Fyresdal. Juryen roser kommunen for å ta på alvor viktigheten av å tilby aktiviteter til alle, uavhengig av helse og fysisk form.

    Rullestolstien er et tilbud til alle
    Foto: Bo Lilledal Andersen / Nrk