NRK Meny
Normal

Tellemarck - ein satirisk western

Morten Øen har skrive ein roman frå Vest-Telemark som han meiner ikkje blir lett å plassere i nokon bås.

Morten Øen

Forfattaren Morten Øen med Tellemarck - den femte romanen han har skrive.

Foto: Jannicke Møller Andersen / NRK

Morten Øen er forfattar og bur i Nissedal. I si femte bok brukar han heimkommunen som bakteppe for å skrive det forlaget presenterer som ein satirisk westernroman. Sjølv meiner han at boka ikkje er lett å plassere i ein litterær sjanger.

– Den er litt forvirrande. Boka startar med ein introspektiv middelaldrande mann og går over til ein slags postakopalyptisk sci-fi western. Så er vi litt tilbake til krigen og til vikingtida, og så flyttar vi på oss, seier Øen.

Øen seier at boka handlar om å fortelje ei morosam historie.

– Boka handlar om to menn og ei bikkje, eit aude landskap, ein død forfattar og deira ville ferd gjennom Vest-Telemark på ein snøskuter frå 70-talet.

Han trur det er folk som vil kjenne seg igjen i boka, utan at han vil avsløre namn.

– Men dei veit det, og synest det er okay, seier Øen.

Skriv fiksjon – men brukar seg sjølv

Ein av karakterane i boka er Morten Øen sjølv. Ofte er det slik at forfattaren skaper ein karakter ved å ta trekk frå tre personar og bygge det saman til ein ny person.

– Men vi må hugse på at det er fiksjon, og at det ikkje er meg. For Øen er ein kødd i denne boka, for å seie det mildt, seier Øen.

Han fortel at det er masse forskjellig som inspirerer han til å skrive.

– Eg ser på såpeopera, trash-tv og les såkalla finlitteratur. Eg prøvar berre å vere til og gå ut for å treffe folk, og så samlar eg det i ein trykkokar. Ein dag så tenner eg på komfyren og setter lokket på. Då blir det bok av det.

  • Får ikke realisert flerbrukshall

    Fyresdal sliter med å få realisert planen om å bygge en flerbrukshall i 2019. Det skriver Vest-Telemark Blad. Kommunen skulle legge av to millioner hvert år fra 2016 til 2019, men det har vist seg vanskelig med den økonomiske situasjonen i kommunen.

  • Stevner Porsgrunn kommune

    Rådgivergruppen VSO consulting stevner Porsgrunn kommune i forbindelse med nye Brevik oppvekstsenter.

    Eiendomssjef i Porsgrunn kommune, Terje Madsen, sier til PD at VSO consulting mener de er blitt betalt for lite.

  • Gode plasseringer til Telemark

    Gullbjørg Ekre fra Telemark fikk 10. plass og Medal of exellence i billakkererfaget under Yrkes VM i Abu Dhabi. Even Aasen, også fra Telemark, kom på en 11. plass i bilskadefaget og fikk også Medal of exellence.

  • Mindre interessant med samarbeid

    Ordfører i Porsgrunn, Robin Kåss, mener det nå er mindre aktuelt å samarbeide med Skien om felles legevakt for Grenland. Dette etter at hovedutvalg for helse og velferd i Skien kommune foreslo å legge ny felles legevakt for Grenland til Skien.

    Robin Kåss
    Foto: Katrine Rohde Johannessen / NRK