Rånarsjef kan få fengsel og bot

Aktor Asle Sandnes ba om fengsel i tretti dagar på vilkår med ei prøvetid på to år for rånarsjef Espen Kittilsen i Aust-Telemark tingrett måndag.

Høyr intervju med rånarsjefen etter rettsaka

I tillegg ba Sandnes om at rånarsjefen blir dømt til å betale ei bot 15.000 kroner.

Les bakgrunnen: Rånersjef tiltalt på Notodden

Forsvarar Tollef Skobba ba om at hans klient, Espen Kittilsen, blei frifunnen for dei mest alvorlege punkta i tiltalen, og at rånarsjefen blir dømt på mildaste måte

Første rånar som er tiltalt

Kittilsen erkjenner ikkje straffskuld for den delen av tiltalen som handlar om ein dekkbrann i Notodden sentrum.

Men han erkjenner hensynslaus bruk av horn og lyssignal og at han har kjørt bil utan godkjente kjenneteikn.

Kittilsen innrømmer heller ikkje å ha forstyrra den alminnelege ro og orden under demonstrasjonen mot stengt storgate på Notodden ifjor.

Det er første gongen ein rånar står tiltalt for å ha forstyrra ro og orden, og for brot på vegtrafikklova.

Dom i saka kjem truleg på tysdag.