Politistasjonssjef i Grenland Annie Sandersen seier at dei har erfaring med at det blir lange køar for å ta drosje og mykje folk i sentrum i julebordsesongen.
– Her kjem det folk som har vore ute på byen ei stund som gjerne vil heim, og helst fort. Og dei er kanskje ikkje kledd for å stå ute om kvelden.
Følg råd frå politiet
Politistasjonssjef Annie Sandersen ved Grenland politistasjon.
Foto: Jonas Rydén / NRKPolitiet har laga nokre enkle tips for korleis folk kan få det like moro på julebordet, og likevel vakne opp om morgonen dagen etterpå like heil og med godt samvit.
– Det er viktig. For politiet ønskjer at folk skal ha det moro på julebord, og at alle skal kome vel heim, seier Sandersen.
Ho meiner det er viktig å følgje dei råda som politiet gir.
– Det handlar i første rekkje om å ta vare på kvarandre. Vere ein god ven heile kvelden, og det er dessutan ein gode ide å vere forsiktig med alkoholinntaket.
Unngå piratdrosjer
Sandersen seier det er viktig å unngå piratdrosjer for det er aldri godt å vite kven som køyrer den.
– Ikkje ein gong om dei har gyldig førarkort. Eller om dei har til hensikt å køyre deg heim.
Det er også viktig å ta på seg godt med klede, for det kan bli kaldt å vente på drosja. Eller bestill ei drosje på førehand.
