NRK Meny
Normal

Ny person mistenkt for å ha tent på huset

Fyrst vart ein mann i 40-åra arrestert og mistenkt for å ha tent på huset. Han er no sleppt fri og politiet har arrestert ei kvinne som var i huset da det brann. Mannen og kvinna har felles barn.

Brann i Porsgrunn

FULL FYR: Dette huset i Porsgrunn er totalskadd etter brannen i natt.

Foto: Theo Aasland Valen

– Dette er den same kvinna som vart sendt til sjukehuset for sjekk av røykskadar etter brannen, seier politiadvokat Ingrid Wiik.

Kvinna som no er arrestert og mannen som er sleppt fri har felles barn.

– Eg er litt usikker på kva forhold dei har no, men dei har vore sambuarar og har felles barn.

Etter å ha følgt opp fleire spor og avhøyrd mannen har politiet no arrestert kvinna som også er i 40-åra

– Eg vil ikkje gå konkret inn i på kvifor ho er arrestert, men det er fordi me følgjer spor i saka, seier Wiik.

Kvinna er avhøyrd i ettermiddag.

– Ho erkjenner ikkje straffskyld, seier politiadvokat Julie Sandvik.

Politiet er på staden og etterforskar. Kvinna blir sittande hos politiet til i morgon.

– Det er på grunn av bevisforspillelsefare at me vil halde henne her, seier Sandvik.

Vart varsla

Mannen som fyrst vart arrestert og mistenkt for å ha tent på huset vart avhøyrd sundag føremiddag.

– Etterforskinga tyder på at det han seier i avhøyret stemmer, men me jobbar no med å få det bekrefta, seier Wiik.

– Kva har han sagt i avhøyret?

– Eg vil ikkje gå i detalj på kva han sa i avhøyret, men me jobbar no med å få bekrefta kva han har sagt, seier Wiik.

Ingrid Wiik, politiadvokat

AVHØYR: Kvinna sit no i avhøyr sundag ettermiddag.

Foto: Roald Marker / NRK

I fyrste omgang vart han mistenkt i saka fordi me vart fortalt at han hadde tent på huset.

– Kven fortalde dykk det?

– Det vil eg ikkje gå inn på no.

– Men er det denne kvinna som har sagt at han tente på huset?

– Eg vil ikkje seie kven som sa kva. Det var også andre spor som låg til grunn for at me arresterte mannen.

Totalskadd

Det var laurdag kveld politi og brannvesen rykka ut til bustadbrannen ved Tjernløkka i Porsgrunn. Huset stod i full fyr og brannvesenet brukte lang tid på å få kontroll over flammane.

– Det brenner enno i huset, men brannen er under kontroll. Huset står fram som totalskadd. Ei kvinne i 40-åra er lagt inn på sjukehus fordi ho har fått i seg røyk, melde politiet to timar etter brannen starta.

Omkring ein time seinare vart brannen sløkt.

– Brannen er sløkt og brannvesenet driv no med ettersløkking. Ein mann i 40-åra er arrestert og mistenkt for å ha tent på huset, skreiv politiet på Twitter.

  • Tyver knuste vindu og stjal sølvtøy

    Politiet melder om et innbrudd i Skien. Tyvene knuste et vindu og tok seg inn i boligen. Innbruddet skjedde i Gregorius Dagssons gate.

    Laster Twitter-innhold
  • Tre biler har kollidert i Vinje

    Åtte personer skal være involvert etter at tre biler kolliderte i Vinje sentrum. Ingen av personene involvert har fått alvorlige skader, melder politiet. Bilene har fått større materiell skade.

  • Mistenkt for kjøring i ruspåvirket

    Politiet stoppet en bil Langangen sentrum etter de hadde fått flere meldinger om at bilen kjørte vinglete på veien. Politihelikopteret observerte bilen ved Moheim i Porsgrunn. Patruljen tok igjen bilen på gamle E18 og stanset bilen i Langangen sentrum.

  • Skremmende

    Vitner til ransforsøket på urmaker Saastad synes det er skremmende at noen forsøker seg på ran midt på lyse dagen. Sten Thorstensen, sier til NRK at han ble sint, og at han og to andre tok opp jakten, men at ranerne kom seg unna i en fluktbil.

    Forsøk på ran med øks urmaker Saastad
    Foto: Sigmund Bolme / NRK