NRK Meny
Normal

Vil bli ordfører i fire nye år

Halvor Homme seier ja til ordførerplassen. Likevel går det mot ny duell mellom Arbeidarpartiet og Senterpartiet i Nissedal også ved neste års kommuneval.

Halvor Homme

Halvor Homme har sagt ja til å stå på lista før valet neste år.

Foto: Børre Karterudseter / NRK

Ordførarduellen i Nissedal vil framleis stå mellom Arbeidarpartiet og Senterpartiet ved kommunevalet neste år.

Etter ein sommar i tenkeboksen seier Ap-ordførar Halvor Homme ja til renominasjon.

Han trur det blir lite aktuelt å samarbeide med Senterpartiet.

– Eg vil helst fortsette samarbeidet med Kristeleg Folkeparti og Høgre, slik vi gjer i denne perioden, seier Homme.

Kjempar for grendeskulane

Sentralisering av grendeskolane er det store stridsspørsmålet i Nissedal.

Anne-Nora Oma Dahle og Senterpartiet i samarbeid med Framstegspartiet har kjempa med nebb og klør for å behalde skulane.

Deira alternativ er å innføre eigedomsskatt.

Anne-Nora Oma Dahle

Anne-Nora Oma Dahle i Senterpartiet.

Foto: Senterpartiet

Oma Dahle er alt renominert, og ser fram til omkamp med Arbeidarpartiet.

– Alt tyder på det, og eg håpar det. Vi har båe to lyst til å arbeide for Nissedal, seier Oma Dahle.

Generasjonsskifte i KrF

I Kristelig Folkeparti ligg det an til eit generasjonsskifte.

Varaordførar Øyvind Tveit har tidlegare vore ordførar for Kristelig Folkeparti i Nissedal i fleire periodar.

Nå har han informert nominasjonskomiteen at han trekker seg frå leiinga.

Overfor NRK vil han ikkje spekulere i kven som kan vere aktuelle ordførarkandidatar for partiet.

Leiar i nominasjonskomiteen, Astrid Eidem Nordal, sit i kommunestyret i Nissedal.

Frank Lien

Frank E. Lien i Framstegspartiet.

Foto: Telemark FrP

Ho var ikkje tilgjengeleg for kommentar, men etter det NRK erfarer vil også ho trekke seg.

Lien er i tenkeboksen

Også i Framstegspartiet kan det bli endringar i toppen.

Frank E. Lien har ikkje gitt endeleg svar til nominasjonskomiteen, men tel på knappane om han skal fortsette.

– Eg har sete tre periodar i kommunestyret, og i formannskapet i to av desse periodane. Og då er det kanskje på tide å slepe fram unge og svoltne krefter, seier Lien til NRK.

  • Bergbys-restaurant konkurs

    I dag ble det åpnet konkurs i boet til Bergbys Notodden. Av de tre gjenværende Bergbys-restaurantene har den slitt hardest. Det er ingen fare for de to restaurantene i Porsgrunn, sier daglig leder i Svai-Gruppen, Atle Dreyer Isaksen, til Varden.

  • Kvinne stanset av politiet

    En kvinnelig bilfører i 40-årene er stanset av politiet i Sauheradvegen på Notodden. Kvinnen hadde ikke førerkort, og politiet hadde mistanke at hun var påvirket. Hun er tatt med til legevakt for blodprøve og vil bli anmeldt.

  • Fratatt førerkortet etter ulykke

    En mann i 70-årene er fratatt førerkortet og anmeldt for å ikke ha overholdt vikeplikten. Mannen kjørte på rødt lys i Skien, og forårsaket en ulykke. To personer oppsøker legevakten etter ulykken.

  • Trafikkulykke i Skien

    Politiet melder om et trafikkuhell i krysset Hesselberggata/ Lundegata i Skien.

    Laster Twitter-innhold