Sjukehuset Telemark vil nekte legar å ta ekstrajobb ved private sjukehus.
Årsaka er at legar som tek ein jobb i private institusjonar kan kome i direkte konkurranse med eige sjukehus.
Vil ha betre kontroll
Personal og organisjonsdirektør, Hans Evju, seier at leiinga vil sette foten ned for ekstrajobbane.
- Vi har vore liberale når det gjeld bistillingar, men nå vil vi ha ein betre kontroll med dette, seier han.
Administradsjonen ved Sjukehuset Telemark vil no som ein hovudregel seie "nei" dersom tilsette ønskjer å ta ein ekstrajobb.
Reglane vil for eksempel gjelde det private Telemark Røntgensenter og det private sjukehuset som skal etablerast i Skien.
Unngår tvil hos pasientane
Alle legar og psykologar ved Sjukehuset Telemark må no få førehandsgodkjenning av sjukehuseleiinga før dei tek ein ekstrajobb.
Leiinga vil stramme inn regelverket, seier personal og organisasjonsdirektør, Hans Evju.
- Vi har hatt ein del episoder der vi ser at helsepersonell har jobbar som kjem i direkte konkurranse med sjukehuset, seier han.
Evju meiner fordelen med den nye ordninga er at ein unngår at det blir tvil hos pasientane om dei blir behandla i privat regi eller hos sjukehuset.