NRK Meny
Normal

Vil ha ein bilfri dag i veka

Ei ny kampanje oppfordrar folk i Grenland til å velje ein bilfri dag i veka.

Kø på E18 i Bamble

Med kampanjen La bilen stå ønskjer fylkeskommunen at fleire skal prøve å gjere noko anna enn å bruke bilen.

Foto: Kurt Inge Dale / NRK

Tore Kamfjord i Bystrategi Grenland innrømmer at mange er avhengige av bilen for å få kvardagen til å gå opp.

– Vi har stor respekt for at folk meiner dei treng bilen for å rekke jobb og fritidsaktivitetar. Det er barn som skal hentast, og handling som skal gjerast, så vi ventar jo ikkje at folk skal kutte ut å køyre bil, seier Kamfjord.

Men målet er å få folk til å bruke bilen litt mindre.

– Det er også i tråd med lokale og nasjonale vedtekne mål om at fleire skal bruke miljøvenleg transport, seier Kamfjord.

Ein dag i veka

Tore Kamfjord, Telemark fylkeskommune

Tore Kamfjord i Bystrategi Grenland.

Foto: Ragnar Lurås / NRK

I Grenland så veit vi at halvparten av reisene er under fire kilometer, likevel er det berre 21 prosent av reisene som går føre seg på sykkel eller til fots.

– Så det er klart det er mange som kunne reist litt oftare på ein litt meir miljøvenleg måte, og litt oftare la bilen stå, seier Kamfjord.

Derfor oppmodar fylkeskommunen folk til å la bilen stå ein dag i veka.

– Og det trur vi at mange kan få til om dei går inn for det og planlegg og legg til rette for det sjølve, seier Kamfjord.

– Det er enkelt å seie. I praksis har mange lang veg til jobben, og bussane korresponderer dårleg. Du har ingen kollegaer du kan køyre med. Kva seier du til desse?

– Det er ikkje enkelt for alle å få det til. Men vi trur mange kan få det til om dei går inn for det, seier Kamfjord.

Få folk til å prøve noko anna

Det er berre 4 prosent av dei reisande i Grenland som syklar eller reiser kollektivt. Og det har fylkeskommunen ambisjonar om å auke til 8 prosent innan 2025.

Kamfjord meiner Grenland har eit veldig godt busstilbod for veldig mange.

– Og vi har den lågaste prisen på månadskort på buss for vaksne i landet. Så for mange ligg det veldig godt til rette for å køyre buss. Men terskelen for å starte med det er veldig høg for mange. Og vi har jo lett for å gjere som vi plar gjere, seier Kamfjord.

Med kampanjen ønskjer fylkeskommunen at fleire skal prøve å gjere noko anna enn å bruke bilen.

– For mange kan det vere å sykle eller gå, viss det er kort nok. For andre kan det vere å prøve å ta bussen, eller få samkøyre med ein kollega eller ein nabo som skal same veg, seier Kamfjord.

  • Pågrepet under væpnet aksjon

    En 30 år gammel mann er pågrepet av politiet under en væpnet aksjon. Mannen var i besittelse av en hagle. Hendelen skjedde på Heistad i Porsgrunn.

  • Kjørte i rus uten førerkort

    En 35-åring har blitt satt i arrest mistenkt for kjøring i ruspåvirket tilstand uten førerkort. Politiet stoppet personen på Kjørbekk i Skien.

  • Brøyt opp tre dørlåser på bil

    I natt ble det gjort innbrudd i en bil i Lunde. Gjerningspersonene brøyt opp tre dørlåser og stjal høyttalerne i bilen opplyser politiet.

  • Ikke bestemt seg for rekonstruering

    Politiet har ikke avgjort om de skal gjennomføre en rekonstruksjon av hendelsen som førte til at skiensmannen Hjalmar Johnsen døde. Politiet sier til Varden at de må ha svar på flere analyser før de bestemmer seg.