NRK Meny
Normal

Kyrkjefond kan stoppe skuterløyper

Mange kommunar må bruke lang tid på å få til eit løypenett for fritidskøyring med snøskuter. Berre tre er i gang til nå. I Vinje krev Opplysningsvesenets fond 7000 kroner i året for å ha skuterløype over eigedomen sin.

Snøskuter på Sjusjøen.

FÅ ER KLARE: Regjeringa har opna for at kommunane kan lage eigen skuterløyper for rekreasjonskøyring. Men berre tre kommunar i landet er klare med løypene sine.

Foto: Ole Martin Sponberg / NRK

I august i fjor opna Regjeringa for at kommunane kan opprette snøskuterløyper for rekreasjonskøyring.

Over 40 kommunar i landet har starta opp planlegging av snøskuterløyper for rekreasjonskøyring, opplyser Klima- og miljødepartementet. Men berre tre av desse har opna løypenettet sitt. Det er Grane og Hemnes i Nordland, samt Åsnes i Hedmark.

Vinje kommune har fått avtale med nær 250 grunneigarar som vil gje løyve til skuterløyper over eigedomen sin vederlagsfritt.

Snøskuter

Det er stor usemje om snøskuterkøyring.

Foto: Reidar Gregersen

Krev betaling

Opplysningsvesenets font er einaste grunneigar som krev betaling. 7000 kroner i året, pluss 4.500 for å lage ei avtale er kravet frå kyrkjefondet.

– Vi tar betalt der vi trur det er ein risiko, og snøskuterkøyring kan føre til skadar på eigedomen. Da er det naturleg å ta betalt, seier seksjonsleiar Anne Barbo i Opplysningsvesenets fond.

Les også: – Brukar fjellheimen som leikegrind

– Forvaltar eigedomen frå byen

Grunneigar Svein Kostveit på Rauland gjev kommunen løyve til å legge skuterløypa vederlagsfritt over sin eigedom. Han er opprørt over at kyrkja som grunneigar ikkje gjer det same.

– Det forundrar meg mykje, det kan tyde på at dei er lite kjent med korleis realiteten er i bygda her, hevdar Kostveit.

Anne Barbo i Opplysningsvesenet fond syns ikkje dei er grådige.

– Å ta seg betalt for noko som ikkje er nyttekøyring, meiner eg ikkje burde tilseie at vi er grådige. 7000 kroner er også eit lite beløp.

Kan ikkje betale alle

Jon Rikard Kleven

Ordførar Jon Rikard Kleven meiner kyrkjefondet kan velte heile ordninga med skuterløyper i Vinje

Foto: Anne Lognvik / NRK

Ordførar Jon Rikard Kleven i Vinje er opprørt over at Opplysningsvesenets fond krev betalt. Kommunen må gjere avtale med alle dei 300 grunneigarane som får løypa over sin eigedom, og det er ikkje økonomi til å betale alle. Samtidig kan dei ikkje gjere forskjell på grunneigarar.

– Det er trist og sørgeleg at fondet ikkje kan vere meir fleksible og vise meir ansvar. Når dette er noko som mange grunneigarar og innbyggarar ynskjer i Vinje, så er det kjedeleg at kyrkjefondet skal ta beinkrok på ei slik ordning, seier Kleven.

Han meiner Opplysningsvesenets fond kan velte heile ordninga med skuterløyper i Vinje.

– Vi kjem ikkje til å gå inn på nokon betalingsordning med fondet. Så da må vi sjå om det går an å lage eit løypenett som går utanom deira eigedom, seier Jon Rikard Kleven.

Karl Ivar Kristensen i Snøscooterforeningen har forståing for at det tar tid å opprette løypenett.

– Dei fleste kommunar må gjere ein stor jobb med planlegge løypenettet og lage avtaler med grunneigarane. Vi satsar heller på at løypenettet er klart til neste sesong, seier han.

  • Ikke bestemt seg for rekonstruering

    Politiet har ikke avgjort om de skal gjennomføre en rekonstruksjon av hendelsen som førte til at skiensmannen Hjalmar Johnsen døde. Politiet sier til Varden at de må ha svar på flere analyser før de bestemmer seg.

  • Færre på AAP

    Nye tall fra NAV viser at det er en sterk nedgang i antall unge på arbeidsavklaringspenger i Telemark. Så langt i 2017 er det 317 færre personer som mottar arbeidsavklaringspenger i fylket. Nedgangen blant unge under 30 år er på hele 9,5 prosent.

    NAV Skien.
    Foto: Anne Lognvik / NRK
  • Støtter Rådmann

    Hovedutvalg for Plan, bygg og miljø i Kragerø har enstemmig vedtatt at eieren av sjøbua på Garnholmen må rive store deler av oppussingarbeidet som er gjort.

    Hovedutvalget støtter dermed rådmannen i saken.

    Kragerø
    Foto: Britt Boyesen / NRK
  • Skal oppgradere gruva

    Vest-Telemark museum har fått 700 000 kroner til å ruste opp gruvene på Åmdals Verk i Tokke.

    Pengene skal brukes til å gjøre gruvene sikrere og mer attraktive for besøkende, sier driftsleder ved museet, Karl Endre Bjerk, til Vest-Telemark blad.