Siste: Kvinna som er mistenkt for å ha sett fyr på eit bustadhus i Øvre Elvegate i Skien laurdag ettermiddag er sett fri etter avhøyr søndag. Kvinna er sikta for skadeverk.
Brannvesen frå Skien og Porsgrunn rykka ut etter melding om brann i ein bygning ved på fylkesveg 32 Øvre Elvegate i Skien rett før klokka halv tre laurdag ettermiddag.
Operasjonsleiar Kim Stokke opplyser at det ei stund var fare for at brannen kunne spreie seg til bygninga rundt.
– Men det skal ikkje vere fare for at brannen spreier seg no, seier Stokke.
Det er registrert ein person som bur i bygningen.
– Det er ingen personar i bygningen no, seier Stokke.
Politiet opplyser at huset er totalskadd i brannen.
Brannvesenet var inne i huset
Brannsjef Guttorm Liebe var blant dei første som kom til staden. Han opplyser at brannen truleg kan ha starta på verandaen på framsida av huset.
– Vi har søkt gjennom heile huset, og det er ingen personar i bygningen, seier Liebe.
Brannvesenet var ein periode redde for at brannen skulle spreie seg til nabobygningane, men dei skal ha kontroll på brannen.
Kvinne er sikta for brannen
Politiet opplyser at ei kvinne i 40-åra er arrestert og sikta for å ha tent på brannen i Øvre Elvegate i Skien.
– Det er ein mann som er registrert i folkeregisteret på adressa. Politiet vil enno ikkje gå ut med kva for relasjon kvinna har til huset og mannen som bur der, seier operasjonsleiar Vidar Aaltvedt.
Politiet arresterte kvinna i 40-åra laurdag ettermiddag, og ho er nå sikta for å ha tent på huset. Kvinna vil blir avhøyrt i kveld.
– Vi har også ein del andre vitne vi skal avhøyre i saka, seier Aaltvedt.