Seier ja til ny konsesjon av Møsvatn på visse vilkår.
Torsdag gav politikarane i Vinje eit samrøystes ja til å fornye konsesjonen for reguleringa i Møsvatn. Men vilkåret er at det blir sett av eit næringsfond på 85 millionar kroner.
I tillegg krev kommunestyret i Vinje ei årleg konsesjons-avgift på nærare fem millionar kroner.
Vinje kommune krev også tiltak mot erosjon som ein følgje av at vasstanden i Møsvatn blir regulert så ofte opp og ned.
Krev minstevasstand i Møsvatn
Politikarane vil også ha pengar for å sikre ei levedyktig ørretstamme. Det blir også kravd ei minstevasstand i Møsvatn tilsvarande 914 meter over havet.
NVE skal ha inn alle høyringsuttalene før 1. mars. Den 26. juni skal NVE på befaring til Møsvatn, og lager etter det si innstilling i saka som også blir sendt ut på høyring. Så går saka vidare olje- og energidepartementet som også skal på befaring før saka blir avgjort i Stortinget tidlegast i 2006.
Den nye konsesjonen skal gjelde i 60 år.