– Har du sommardekk på bilen bør ein ikkje køyre her, seier Anders Stormoen. Han har køyrd brøytebilen sin opp og ned fylkesveg 32 ved Siljan i over tre timar til no.
Vegen var stengt i nesten to timar i dag på grunn av bilberging. Fleire bilar streva på den snødekte vegen i dag.
Sjølv om vegen no er opna, understrekar Vegtrafikksentralen at det framleis er vinterføre på vegen. Brøytebilane vil halde fram å køyre på vegtrekninga, mot kvelden.
Erik Gustavsson er blant brøytemannskapa.
Foto: Robert Hansen / NRKAnsvar som førar
– Det står jo minst 50 bilar fast her, seier Jon Ragnfred Hanssen.
Han var ein av dei som var midt oppe i trafikkaoset på vegen.
– Da eg kom meg overt toppen så såg eg fleire personbilar og lastebilar som låg strødd til høgre og venstre, seier Hanssen.
Snøfall den siste helga i april er ikkje noko mange hadde sett føre seg. Difor er det nok mange som har skifta til sommardekk på bilen allereie.
Leiar i Utrykkingspolitiet, Runar Karlsen, seier føraren av bilen har ansvaret for at bilen er skodd etter forholda.
– Når det kjem snø slik som no, så er det ein dårleg ide å køyre på sommardekk, seier Karlsen.
