Kan bli rettsak om Gaustatoppen

Advokat Olav Felland meiner etterkomarane har forkjøpsrett til eigedomen. No kan det gå mot rettssak - om retten til å eige toppen av fjellet.

– Vi er i allefall førebudd på ei eventuell rettsak for grunneigarane vil ikkje gje frå seg det arealet som dei no har sjansen til å få hand om, seier Felland.

• Gaustatoppen i statleg eige
• Vil beholde Gaustatoppen

Advokaten representerer tre grunneigarar som vil kjøpe tilbake fjellområdet ved Gaustatoppen som blei selt til Forsvaret i 1955.

Direktoratet vil overta

Direktoratet for Naturforvalting har meldt si interesse for å overta den 7-800 mål store natureigedomen.

Kommunikasjonsjef i Skifte eiendom, Ivan Fjeldheim-Pettersen meiner at grunneigarane ikkje kan kreve forkjøpsrett.

• Kan kjøpe Gaustatoppen billig
• – Gaustatoppen må ikke selges til private

Han meiner ei overføring mellom statlege forvaltingseiningar ikkje fører til at eigedomen skiftar eigar.

– Staten er fortsatt eigar av eigedomen. Forkjøpsretten blir utløyst etter lova når eigedomen skiftar eigar, og det er ikkje tilfelle her, seier Fjeldheim-Pettersen.

Kan ha forkjøpsrett likevel

Men advokat Olav Felland vil ikkje vere med på det utan vidare.

– Det er ikkje opplagt at staten berre kan føre denne eigedomen over frå Forsvarsdepartementet til eit direktorat. Det er å skifte eigarposisjon, seier Felland.

Han meiner det godt kan tenkjast at forkjøpsretten blir utløyst likevel, og er viljug til å prøve saka for rettsapparatet.