NRK Meny
Normal

Gjerpen tapte i opningskampen

Gjerpen gjekk på eit tap mot Tertnes i den fyrste kampen i Grundigligaen. Det vart altså ein tøff start for laget frå Skien, som no er tilbake i toppserien i handball.

Gjerpen Tertnes

TAP: Gjerpen greidde ikkje å slå Tertnes i serieopninga.

Foto: Ken Willy Wilhelmsen / NRK

Me øydelegg for oss sjølv med dårleg forsvarsspel i starten av andre omgang, seier gjerpenspelar Dorthe Groa, etter at Gjerpen tapte 22–19 for Tertnes.

Kampen som vart spelt i Skienshallen i kveld markerte at Gjerpen var tilbake på det høgaste nivået i norsk handball. Diverre vart ikkje resultatet heilt som ein hadde håpa, men det vart likevel spennande mot slutten.

– Me kjem oss litt mot slutten av andre omgang, og det er ein lengre periode der kor dei ikkje scorar mål på oss i det heile tatt, seier Groa.

DORTHE GROA

TILBAKE: Dorthe Groa og resten av Gjerpen er tilbake på det øvste nivået i norsk handball.

Foto: Ken Willy Wilhelmsen / NRK

– Må like smerte

– Me syner jo at me har moral og ferdigheiter i laget når me avsluttar så sterkt på slutten. Det er på det nivået me må spele heile kampen igjennom framover, seier trenar Ketil Arntzen.

Gerpen skal verkeleg få testa seg i dei neste fire kampane. Blant anna møter dei Larvik på bortebane den 2. oktober.

Me må berre kome oss opp til nivået som krevst. Det kjem til å bli tungt, men ein må berre ønske den smerta velkommen, seier Arntzen.

Ketil Arntzen

TØFT: Trenar Ketil Arntzen seier laget må bu seg på vanskelege kampar framover.

Foto: Ken Willy Wilhelmsen
  • Kritisk til å dele celle

    Ingeborg Kivle i Telemark fengsels- og friomsorgsforbund er kritisk til ordninga med fleire fangar på same celle. Det er fengselsstyresmaktene som seier at enkelte må dele celle i ein periode. Kivle meiner at ei ordning svekker tryggleiken.

    Ingeborg Kivle
    Foto: Anna Lognvik / NRK
  • Trafikkulukke i Bø

    Ein person er lettare skadd etter ei utforkøyring på Folkestadvegen i Bø. Fylkesveg 152 er delvis stengd på ulukkesstaden.

  • Mykje snø – liten flaumfare

    Sjølv om det er 20 prosent meir snø enn normalt rundt Tinnsjøen og Møsvatn, er det liten fare for flaum til våren. Det seier direktør i Øst-Telemarkens Brukseierforening, Nikolai Østhus. Flaumfaren aukar dersom det kjem mykje nedbør når snøen smeltar.

  • Fem vil ha rådmann-jobb

    Sæhænd Bazmi-Rasekh (28), Arve Semb Christophersen (57) og Ragnar Sundklakk (56) er tre av søkerne til stillingen som prosjektleder i den nye fylkeskommunen, senere fylkesrådmann i Vestfold og Telemark fylkeskommune. To navn er unntatt offentlighet, melder fylkeskommunen på nettsidene sine.