For å spare pengar, har NRK bestemt at det skal kuttast over 30 årsverk i arkiv-avdelinga. Spelemann Knut Buen, seier mange fryktar at det går ut over folkemusikken i Norge.
– Både eg og fleire med meg fryktar det kan bli borte ting, eller at ting som har vore gjeldande før blir nedprioritert, seier Buen.
Han meiner det er veldig viktig at arkivmaterialet er tilgjengeleg for folk i framtida.
Les også:
Har spesiell kunnskap
Buen seier mange av de som jobbar med folkemusikk i NRK har spesialkunnskap som få andre.
Han meiner det også er viktig at NRK har ein folkemusikkanal og tilgjengelege opptak.
– Det er veldig viktig at dette ikkje blir tatt vekk, seier Buen.
Arkivsjef Svein Prestvik i NRK seier folkemusikkarkivet skal bestå, men at ingenting foreløpig er bestemt omkring den nye organiseringa etter at avdelinga er redusert med over tretti årsverk.
Torgeir Straand meiner NRK har spesiell kompetanse for å ta vare på folkemusikk.
Foto: Kurt Inge Dale / NRKMå få ansvar og økonomi
Spelemann Torgeir Straand er engasjert i arbeidet med Hardingfelesenteret i Bø.
Han meiner NRK si rolle er heilt nødvendig, og det ikkje er mogleg for ein aktør som Hardingfelesenteret å overta ansvar for arkivet.
– Eg meiner det er få institusjonar i Norge som er betre skikka til å gjere denne oppgåva enn NRK. Men då er det viktig at NRK får tildelt eit klart og tydeleg ansvar, og økonomi til å gjennomføre det av politikarane, seier Strand.
Les også:
