NRK Meny
Normal

Foreslår å kutte stillingar

Fylkesrådmann Evy-Anni Evensen foreslår å kutte 60 millionar kroner i fylkeskommunen innan 2020. Det skal gjerast ved å blant anna kutte 20 stillingar i administrasjonen.

Evy-Anni Evensen

FORESLÅR KUTT: Fylkesrådmann Evy-Anni Evensen kom i dag med fleire forslag til nedskjæringar i fylkeskommunen.

Foto: Ken Willy Wilhelmsen / NRK

Nedbemanning er absolutt siste utveg. Men etter å ha snudd alle steinar ser me at det er nødvendig å kutte stillingar for å møte dei økonomiske utfordringane framover, seier fylkesrådmann Evy-Anni Evensen.

Evensen reknar med at det blir 15 til 20 personar færre i administrasjonen i løpet av dei neste fire åra, men håper å kunne ta desse kutta gjennom naturleg avgang.

Færre inntekter

Årsaka til kutta skuldast i hovudsak at det er færre elevar i dei vidaregåande skulane i fylket, og at staten har endra inntektssystemet. Det fører til kraftige kutt i inntektene til fylkeskommunen.

Samtidig aukar gjelda sterkt, blant anna gjennom bygginga av nye Skien vidaregåande skule på Klosterøya. Det er likevel ikkje i skuletilbodet pengane skal sparast inn.

– Det har vore eit mål å i minst mogleg grad ramme vidaregåande opplæring, seier Evensen.

Politisk bestilling

Forslaga som Evensen har lagt fram i dag er ei bestilling frå politikarane i fylket som skal brukast i budsjettprosessen.

- Det blir no spennande å ta tak i desse forslaga, seier fylkesordførar Sven Tore Løkslid.

Sven Tore Løkslid

KREVJANDE: Fylkesordførar Sven Tore Løkslid er budd på at det blir krevjande å ta tak i forslaga frå fylkesrådmannen.

Foto: Roald Marker / NRK

Løkslid er budd på at det kan bli krevjande å spare inn pengane som trengst, men han fryktar ikkje å ta upopulære avgjersler.

- Det å vere politikar er ikkje alltid nokon konkurranse i å vere populær, seier Løkslid.

Rådmannens forslag blir presentert for fylkestinget 19. oktober, men behandlinga av budsjett- og økonomiplanen i fylkestinget skjer fyrst 8. desember.

  • Fikk Spellemannsprisen

    Anne Hytta fra Sauland i Hjartdal kommune fikk Spellemannsprisen i kategorien Folkemusikk/tradisjonsmusikk for 2017. Hytta har gått i hardingfeleopplæring hos blant andre Einar Løndal og Knut Buen. Hun fikk prisen for soloalbumet "Strimur".

    Anne Hytta
    Foto: Mona Møllebakken
  • 21 bøter

    Politiet i Telemark har hatt fartskontroll i Gransherad i dag. Resultatet ble 21 forelegg for høy fart. Høyeste hastighet ble målt til 72 kilometer i timen, i 50 sonen. En fører ble anmeldt.

    Fartskontroll
    Foto: Jan-Erik Wilthil / NRK
  • Vil kaste ut Bombemann

    Borettslaget vil kaste ut mannen som er siktet for å oppbevare store mengder farlig sprengstoff i leiligheten sin. Det bekrefter advokat Ole Revhaug, som er engasjert av borettslaget på Vallemyrene, til Varden.

  • 13 792 uføre i Telemark

    12,7 prosent av befolkningen i Telemark er uføre. Per 31. desember 2017 var det registrert 13 792 mottakere av uføretrygd i Telemark. Det er en økning på 164 personer eller 1,2 prosent i forhold til samme periode i fjor, melder TA.