Ein reportasje i NRK 16. januar i år om praksisen ved sjukehuset fekk stortingspolitikar for Senterpartiet, Kjersti Toppe, til å stille spørsmål til Helseministeren.
Sjukehuset planlegg med eit belegg på hundre prosent dekning på sjukehussengene.
I spørjetimen i Stortinget onsdag sa Bent Høie at han meiner dekningsprosenten kan gå ut over den behandlinga som sjukehuset gir.
Les også:
Dårleg for pasientane
Og han er einig med blant anna Legeforeininga, som meiner eit stapp fullt sjukehus er dårleg for pasientane.
Klinikksjef Per Urdahl ved Sjukehuset Telemark.
Foto: Thomas Nicolai Blekeli– Det kan vere ein risiko for at praksisen med hundre prosent belegg på sjukehussengene kan gå ut over kvaliteten på tenestene, sa Høie.
Klinikksjef Per Urdahl ved Sjukehuset Telemark sa, tidlegare i år, at dei planlegg å bruke alle dei ressursane dei har.
Den gongen hadde han ingen problem med å forsvare at dei prioriterer ressursane sjukehuset har ut frå eit cirka belegg på hundre prosent.
Les også:
Risiko for at fleire dør
Men i Stortinget kasta Sp-politikar Per Olaf Lundteigen seg på for å få reine ord for pengane.
– Nå har statsråden sagt at han vil ta opp spørsmålet om hundre prosent dekning. Det betyr vel på godt norsk at her har Sjukehuset Telemark gjort feil, sa Lundteigen.
Helseministeren seier forsking viser at fleire pasientar kan døy og risikoen for feilbehandling aukar når pasientbelegget aukar.
– Det er også årsaka til at eg vil ta spørsmålet opp med Helse Sør Øst, sa Høie.
Les også:
