Rekordkontrakt for å bygge ny E134

Onsdag 15. oktober inngår Statens vegvesen den største kontrakten i Telemark nokosinne.

Kontrakten blir inngått med NCC for bygging av E134 Gvammen – Århus og den har ein verdi på over 1 milliard kroner.

Signeringa av kontrakten skjer hos Statens vegvesen sine lokale på Notodden.

Seks entreprenørar kom med anbod for å bygge den nye tunnelen på E134 mellom Gvammen og Århus i Telemark.

Les også:

• Desse vil bygge tunnelen Århus-Gvammen

Vegvesenet har laga ein animasjonsfilm der du kan du bli med gjennom den nesten ei mil lange tunnelen gjennom Mælefjell.

Les også:

• Slik blir strekningen Århus-Gvammen
• Her kan det bli automatisk trafikkontroll

Får pengar på statsbudsjettet

I regjeringa sitt forslag til statsbudsjett for 2015 er det sett av 250 millionar kroner til bygging av ny E134 på strekningen Gvammen – Århus i kommunane Hjartdal og Seljord.

Prosjektet omfattar bygging av 11,6 kilometer ny veg. 9,4 kilometer av vegen skal gå i tunnel.

Den nye vegen vil bety at E134 mellom Hjartdal og Seljord blir korta inn med om lag 11 kilometer.

Vegen skal byggjast ut med ei breidde på 10 meter og med forsterka oppmerking i midten.

Prosjektet har ei kostnadsramme på 2,3 milliardar 2015-kroner.

Anleggsarbeidet startar i desember i år, og prosjektet ventast opna for trafikk i 2019, mot tidlegare føresett 2018.