Avdelingsdirektør skatteetaten Trude Husevåg.
Foto: Skatteetaten– Mange har utfordringar med å finne vegen inn i det norske systemet. Me har difor utvikla ein vegvisar som steg for steg tek deg gjennom prosessen i Skatteetaten, seier avdelingsdirektør Trude Husevåg i Skatteetaten.
Husevåg har hatt ansvaret for det nye verktøyet som har vore under arbeid i omkring eitt år no. Sjølv er ho overraska over kor enkelt verktøyet har blitt.
Les også:
Skreddarsydd informasjon
– Ved å svare på mellom fire til seks spørsmål får ein no skreddarsydd informasjon om korleis ein skal kome seg i lovleg arbeid, seier ho.
Alle som skal jobbe i Norge må ha skattekort. Mens nordmenn kan ordne dette ved hjelp av nokre tastetrykk på nett, er prosessen meir omfattande for utanlandske arbeidstakarar. Det krev blant anna personleg oppmøte.
No kan også utanlandske arbeidarar starte denne prosessen heime i stua si.
Ved å forenkle denne prosessen håpar Husevåg at færre utanlandske arbeidarar blir feilinformert, og at færre tyr til svart arbeid.
- Det nye verktøyet finn du her
Fryktar ikkje språkvanskar
Verktøyet kjem berre ut på Norsk og Engelsk, men det meiner Husevåg ikkje blir eit stort problem.
– Enkle brukarundersøkingar me har gjennomført viser at over 90 % klarar å forstå informasjon dei får på engelsk. Dessutan har me gjort språket i verktøyet så enkelt og forståeleg som mogleg, i tillegg til at du får ordforklaringar på dei vanskelegaste orda, seier ho.
