– Det er viktig for oss som driv butikk i ei så lita bygd at me har litt fleire bein å stå på, seier Anette Lien. Saman med Kenneth Grønstad driv ho den lokale nærbutikken Gavelen Fjellhandel i Tinn i Telemark.
Etter opninga i fjor haust har dei tatt store steg for å gjere seg tiltrekkande for lokalbefolkninga og hytteeigarane i område. Ved sidan av daglegvarehandel kan du kose deg på kafe med lokal heimbakst, fylle drivstoff og liknande.
Det største steget er at dei tilbyr kiting på Hardangervidda. Du brukar da eit lite seil som du held deg fast i og blir dratt rundt på ski. På Gavelen Fjellhandel held dei kurs i denne sporten. Sjå video frå kiting på Hardangervidda i botn av saka.
Tøffe tider
– Butikkar i bygder med høg fråflytting, og som ikkje har nok hytteeigarar i området til å kompensere, vil få problem. Det same gjeld butikkar med lite forbigåande trafikk, seier Jon Hidle. Han er konsulent i Merkur-programmet, eit statleg program som jobbar for å betre kvardagen for butikkar i utkantstrøk.
Hidle trur netthandel også er eit skjær i sjøen, men meiner også at det ligg ein moglegheit for utkantbutikkar i nettmarknaden. Ved å bli eit hentepunkt for varer som er handla på nett av lokale bebuarar i nærområdet, trur Hidle utkanbutikkane vil få sin del av kaka.
– Stikkordet er at utkantbutikkar må bli eit servicepunkt. Der dei tilbyr ei stor bredde av varer og tenester, og ikkje bare sel brød og mjølk slik dei gamle landhandlane gjorde, seier Hidle.
- Les også:
- Les også:
Vil fornye seg enda meir
– Tankane dreier seg heile tida omkring korleis me kan forbetre oss, seier Lien.
Snart eitt år ut i drifta tykkjer ho det har gått fint, men er spent på oppsummeringa dei skal ha no til hausten.