NRK Meny
Normal

Døydde etter klatreulykke på Gaustatoppen

Ein britisk mann er død etter ei klatreulykke i Tinn, der han falt 30 meter. Det vart sett i gang ein stor redningsaksjon da mannen vart meldt skadd måndag kveld, men livet hans stod ikkje til å redde.

Ulykkesstedet ved Gaustatoppen

FALT 30 METER: Dei to klatrarane var på veg heim for kvelden da den eine falt utfor ein skrent til venstre for kraftleidningane.

Foto: Bo Lilledal Andersen / NRK

– Det var to klatrarar, og den eine falt ned ein skrent og blei meldt alvorleg skadd, seier operasjonsleiar Jørn Gustav Larsen i Sørøst politidistrikt.

Mannen i 20-åra er av britisk opphav og han døydde på staden. Politiet har venta med å bekrefte at mannen var død, fordi dei fyrst måtte få varsla dei pårørande om ulykka ved Gaustatoppen.

– Det blei sett i verk livreddande tiltak, men han omkom av skadane han pådrog seg, seier Larsen.

Vanskeleg å kome fram

– Me har fått melding om at han har falt 30 meter og har brekt begge beina, sa operasjonsleiar Geir Kastmo til NRK kort tid etter at meldinga kom måndag kveld.

Han bekrefta da at naudetatane streva med å kome fram til ulykkesstaden på grunn av vanskeleg terreng. Ambulansehelikopteret med lege om bord var fyrst på staden.

NRK sin fotograf på staden beskreiv forholda slik:

– Det er jo ikkje snø, så da vert det vanskeleg å ta seg fram med skuter, dessutan er det mykje is på bakken, så det tek også enda lengre tid å bevege seg til fots, sa fotograf Lars Gunleiksrud.

Brannvesenet var dei fyrste som melde om klatreulykka. Meldinga frå dei kom omkring klokka 17.50.

Det skal ha vore eit utfordrande terreng oppe på toppen.

– Den omkomne klatraren blei frakta ut i går kveld, medan den andre klatraren blei tatt hand om, seier operasjonsleiar Jørn Gustav Larsen.

Politiet sender i dag ut ei patrulje til staden klatreulykka skjedde.

Klatrekameraten vil også bli avhøyrt i dag, men politiet ser på hendinga som ei ulykke.

klatreulykke tinn

Alle naudetatane, samt Raude Kors vart sendt ut til ulykkesstaden.

Foto: Lars Gunleiksrud
  • Nei til eigedomsskatt

    Både Seljord og Vinje seier nei til å innføre eigedomsskatt no. Vinje seier nei mot røystene til SV, medan Miljøpartiet Dei Grøne var det einaste partiet som røysta for å innføre skatten i Seljord.

  • 24 millioner til Vinje-senteret

    Vinje kommunestyre vedtok i dag et budsjett som gjør at byggingen av Vinje-senteret kan starte i 2018. Senteret skal holde til i nedlagte Vinje skule. Kostnadene på ombygging og tilbygg er regnet til vel 24 millioner kroner.

  • Vegvesenet tar sitt ansvar

    – Vi tar vår del av ansvaret, sier Tore Kaurin i Vegvesenet. En fotnote i Vegvesenets rapport om utbygging av Lannavegen i Nome har blitt oversett siden 2015, og det betyr at det nå mangler minst 90 millioner kroner til byggingen.

    Avdelingsleder i Statens vegvesen, Tore Kaurin
    Foto: Hina Aslam / NRK
  • Vestfold-ja til sammenslåing

    Vestfold fylkeskommune har akkurat fattet et enstemmig vedtak om sammenslåing med Telemark. Telemark har tidligere gjort samme vedtak.