NRK Meny
Normal

Annleis band får stormande jubel

NOTODDEN (NRK): Kvar og ein av dei seks bandmedlemmene har ei form for utviklingshemming. Det er ikkje lett å leggje merke til når dei står på scena.

Pascal Rock spelar på bluesfestivalen på Notodden.

SJÅ PASCAL ROCKERS: Bandet spela på Notodden Bluesfestival til stormande jubel.

Me har jo alle saman spelt musikk i lang tid kvar for oss. Så samspelet fungerer godt med tanke på at me alle saman er utviklingshemma, seier Steinar Wangen.

Wangen er frontfigur i bandet Pascal Rockers. Eit band med seks medlem der alle bandmedlemmene har ei form for utviklingshemming. For eksempel er keyboardisten blind og har cerebral parese.

Gruppa har spela saman halvanna år og dei opptrer på Notodden bluesfestival for andre gong. Dei har også haldt konsertar på blant anna Smuget i Oslo, og er godt integrert i Oslo sitt bluesmiljø.

Pascal Noreg

Bandet er ein del av organisasjonen Pascal Noreg. Ein organisasjon som har som mål å skape kulturaktivitetar for blant anna funksjons- og utviklingshemma.

– Desse gutane er handplukka for å lage eit godt bluesband som dei utfoldar på sine premiss. Eg prøvar å vere mest mogleg usynleg å berre hjelpe dei med arrangering av songar og slikt seier Ola Skaare.

Han er nestleiar i Pascal Noreg, og musikalsk leiar for bandet.

  • Kripos til Vrådal

    Lensmannen i Kviteseid får i dag hjelp frå Kripos i arbeidet med å finne personane som har drive ein cannabisplantasje i Vrådal. Det var i førre veke politiet fann fleire hundre cannabisplanter i eit tomt industribygg.

  • 45 husstandar utan straum

    Torsdag morgon har dei fleste kundar fått att straumen etter uvêret. Det står att mykje feilrettingsarbeid, og Skagerak Nett held oppe full beredskap. Klokka 09.30 i dag var 45 husstandar i Porsgrunn og Skien utan straum.

  • Ville lade bilen – tok fyr

    I natt var det ein bilbrann ved Nome asylmottak. To personar fekk i seg røyk. Brannen starta medan bilen stod på tomgang. Det var lite straum på bilen, og eigaren ville forsøke å lade han ved å la han stå på tomgang. Politiet opprettar sak.

    Bilbrann Nome asylmottak
    Foto: Tom Ole Buaas / NRK
  • Møtte ikkje opp til soning

    Politiet har gripe ein mann i 30-åra frå Porsgrunn som ikkje har møtt i fengsel for å sone ein dom. Mannen blir køyrd til fengselet i ettermiddag.